Улаанбаатар хотын дулааны шинэ эх үүсвэр болох “Амгалан” дулааны станц өнгөрөгч сарын 27-ноос  эхлэн хэрэглэгчдээ дулаанаа түгээж эхэлсэн. Энэ хугацаанд  ямар нэгэн доголдол, хүндрэл гараагүй гэдгийг холбогдох мэргэжилтнүүд мэдэгдэж байлаа.

“Амгалан” дулааны станц ашиглалтад орсноор 1.3 сая гаруй хүн амтай Улаанбаатар хотын зүүн бүсийн айл өрх, аж ахуйн нэгжүүд найдвартай дулааны эх үүсвэрт холбогдож, 50 мянган айлын орон сууц шинээр барих боломж бүрдэнэ. Станцийн барилгын ажилд 44 аж ахуйн нэгж, айл өрхийн газрыг чөлөөлж, нийслэлээс 33 тэрбум төгрөгийн нөхөн олговор олгосон. Газар чөлөөлөх ажил удааширснаар станцын ажил оройтож эхэлсэн. Үүнээс хойш станцын бүтээн байгуулалтын ажлыг 16 сарын турш хийлээ. Энэ сарын 15-нд албан ёсны нээлтээ хийхээр төлөвлөж байна.