МҮХАҮТ-ын дэргэдэх Барилга, Дэд бүтцийн зөвлөлөөс та бүхэндээ зориулж цаг үеийн асуудлуудын нэг болох эдийн засгийн ил тод байдлын хууль батлагдсантай холбогдуулан уг хуулийн төслийг санаачлагч МҮХАҮТ-ын Удирдах зөвлөлийн дарга бөгөөд Ерөнхийлөгч Б.Лхагважав "Эдийн засгийн ил тод байдлын хуулийн хэрэгжилт ба боломж" уулзалтыг маргааш буюу 10-р сарын 20-ны 09.00 – 11.30 цагийн хооронд зохион байгуулах гэж байна.
 
Энэхүү уулзалтаар батлагдсан хуулийн хэрэгжилтийн хугацаанд иргэд, аж ахуйн нэгж, хуулийн этгээдүүд хэрхэн зөв ашиглах боломж нөхцөл,  засгийн газар болон хувийн хэвшил хоорондын уялдаа холбоо, хамтын ажиллагаа түншлэлийг хөгжүүлэх боломжийн талаар ярилцах болно.
 
Мөн уулзалт ярилцлагын дараа Үндэсний Статистикийн хорооноос бизнесийн байгууллагын бодлого, төлөвлөлт, дүн шинжилгээнд статистикийн үнэн бодит мэдээллийг ашиглах зайлшгүй шаардлага, статистикийн мэдээллийг хэрэглэх арга, техник, статистикийн мэдээллийг тархаах арга, хэлбэр, мэдээллийг олж авах сувгийн талаар нэгдсэн ойлголт, мэдлэг өгч, статистикийн мэдээллийн практик хэрэглээг нэмэгдүүлэх тухай мэдээлэл өгнө.
 
Иймд зам, барилгын салбарын бизнес эрхлэгч та бүхэн хөтөлбөртэй танилцан, арга хэмжээнд бүртгүүлэн идэвхитэй оролцохыг урьж байна.