Цахим газар өмчлөлийн нэгдүгээр ээлжийн шалгаруулалтад сонгогдсон буюу газраа өмчилж авсан иргэд сонгогдсон дүүргийнхээ Өмч, газрын харилцааны албанд хандаж, газар өмчлөлийн гэрчилгээ, кадастрын зураг, хянан баталгааны дүгнэлтээ яаралтай авах шаардлагатай байна гэж нийслэлээс анхаарууллаа.

Нэгдүгээр шатны газар өмчлөлийн ажил он гарсаар бүрэн дуусч, хоёрдугаар шатны цахим системээр газар өмчлөх ажил эхлээд байгаа юм. Энэ хугацаанд цахим системээр сонгогдож газар өмчлөх эрхтэй болсон иргэдийн газрын өмчлөлийн гэрчилгээ гарчээ. Гэтэл сонгогдсон буюу газраа өмчилж авсан иргэд өмчлөлийн гэрчилгээгээ авахгүй байгаа аж. 

Тодруулж хэлэхэд, Сонгинохайрхан дүүргийн 21 дүгээр хороо Соёондын ам, Хан-Уул дүүргийн 20 дугаар хороо Тариаланбулагийн нэгдүгээр хэсэг, Багахангай дүүргийн хоёрдугээр хороо Бор үзүүрт зэрэг байршлуудад газар өмчлөлийн гэрчилгээ гараад байна.