Батлан хамгаалах, хууль сахиулах алба хаагчдын нэгдсэн эмнэлэг энэ онд ашиглалтад орох уу
Таван жил баригдаж буй Батлан хамгаалах, хууль сахиулах алба хаагчдын нэгдсэн эмнэлэг 2013 онд ашиглалтад орох байжээ. Эмнэлгийн шинэ байрыг барих ажил 2011 оноос эхэлсэн ч, барьж гүйцэтгэж буй "Баярс констракшн" компанийн зүгээс хамааралтайгаар ийн хойшлоод байсан юм. Үүнтэй холбогдуулан Батлан хамгаалах яамны Төрийн нарийн бичгийн даргын албан үүргийг түр орлон гүйцэтгэгч Б.Батсайхан Батлан хамгаалах, хууль сахиулах алба хаагчдын нэгдсэн эмнэлэгт ажиллаж барилгын явц байдалтай танилцав. Б.Батсайхан дарга арваннэгдүгээр сарын 9 гэхэд ашиглалтад оруулахыг үүрэгдсэн.
"Баярс констракшн" компанийн удирдлагуудын зүгээс ч 15 хоногийн дотор гадаад, дотор заслаа хийж, лифтээ суулгаж амжина гэдгээ мэдэгдлээ.