Монголд хөрөнгө оруулагчдын чуулга уулзалт өнөөдөр өндөрлөнө
“Invest Mongolia 2015” Монголд хөрөнгө оруулагчдын 9 дэх удаагийн чуулга уулзалт Улаанбаатар хотноо хоёр дахь өдрөө Шангри-Ла зочид буудлын хурлын танхимд үргэлжилж байна. Ууулзалтанд нийт 30 гаруй орны төлөөлөгчид оролцож байгаа. Монголд хэдийнэ хөрөнгө оруулалт хийсэн, мөн цаашид хөрөнгө оруулахаар сонирхож буй бизнес эрхлэгчид тус уулзалтанд оролцохоор хүрэлцэн иржээ. Түүнчлэн Олон улсын хэмжээний “Moody’s”, “Hogan Lowells”, “APIP”, “Thales” зэрэг хэд хэдэн ивээн тэтгэгч байгууллага тус уулзалтыг дэмжин ажиллаж буй тус уулзалтанд хөрөнгө оруулагчдаас гадна улс төрчид, засгийн газар, УИХ-ын зарим гишүүд, Элчин сайдын яамдын төлөөлөгчид оролцож байгаа юм. “Invest Mongolia 2015” нь бизнес эрхлэгчдийг үнэ төлбөргүй оролцуулж, хөрөнгө оруулагчдад өөрсдийн үйл ажиллагааг танилцуулах, мэдээлэл өгөх, тэдэнтэй танилцах боломжийг олгож буйгаараа онцлогтой.
Энэ удаагийн уулзалтын гол зорилго нь эдийн засгийн таагүй нөхцөл байдалд байгаа Монгол Улсад гадны хөрөнгө оруулагчдын алдарсан итгэлийг сэргээх, бизнесийн орчныг сайжруулах, бизнес эрхлэгчдийн үйл ажиллагааг дэмжихэд шаардлагатай арга хэмжээг тодорхойлох зэрэгт оршиж байгаа юм.
“Invest Mongolia 2015” уулзалтанд гадаад болон дотоодын оролцогчид Монгол дахь хөрөнгө оруулалтын орчин, бизнесийн орчныг нээлттэй болгож, гадаадын хөрөнгө оруулагчидтай харилцан итгэлцлийг бий болгоход Монгол Улсын засгийн газрын гүйцэтгэх үүрэг, олон улсын хэмжээнд өрсөлдөхүйц зэсийн бизнесийг амжилттай явуулах, эдийн засгийн орчин дахь гэнэтийн өөрчлөлтүүд, мөнгөний бодлого бодит эдийн засагт хэрхэн нөлөөлж байгаа, Үл хөдлөх хөрөнгийн зах зээлийн өнөөгийн орчин, хөрөнгө оруулагчдад нээлттэй боломж, хууль, татварын орчин, цаашид барилгын шинэ төслүүдийг амжилттай хэрэгжүүлэх чиг хандлага болон банк санхүүгийн зах зээл, уул уурхайн эдийн засгийн байдал, цаашдын хандлага зэрэг өргөн хүрээний асуудлуудыг авч хэлэлцэж байгаа юм.
Хэлэлцэж буй асуудлуудаас Үл хөдлөх хөрөнгийн салбарын талаарх хэсгийг онцоллоо. Энэ хэсэгт “Asia Pacific Investment Partners”-ийн ерөнхийлөгч Б.Цэндсүрэн “Монгол дахь үл хөдлөх хөрөнгийн зах зээлийн ерөнхий байдал, хөрөнгө оруулагчдын боломж” гэсэн сэдвээр илтгэл тавьж, оролцогчдын асуултанд хариулсан юм. Мөн “Nova Terra”-гийн түнш Питер Морроу, “Asia Pacific Investment Partners”-ийн ерөнхийлөгч Б.Цэндсүрэн, Хаан банкны гүйцэтгэх захирал Норихико Като, “Оюуны Ундраа Пропертиз” компанийн гүйцэтгэх захирал, “Оюуны Ундраа” группийн Бизнес Хөгжлийн захирал О.Тэнүүн, Төрийн орон сууцны корпорацийн дэд захирал Д.Оюунжаргал, “Horizon Partner” компанийн түнш Н.Лхагвасүрэн нар тус салбарын хэлэлцүүлэгт оролцож, үл хөдлөх хөрөнгийн зах зээлийн өнөөгийн байдал, татвар, хууль эрхзүйн орчин, хөрөнгө оруулагчдэд нээлттэй боломж, эдийн засгийн уналттай байгаа энэ үед ямар арга хэмжээ авч хэрэгжүүлэх, зах зээлийн цаашдын чиг хандлага зэрэг сэдвээр ярилцсан юм.
Тэд өнөөгийн эдийн засгийн хямралтай үед борлуулалт буурсан үзүүлэлттэй байгаа ч, далд эдийн засгийн сэргэлт, уул уурхай гэх мэт бусад салбарын сэргэлт, үйл ажиллагаатай холбоотойгоор цаашид барилгын төслүүд амжилттай хэрэгжих хандлагатай байгаа гэдгийг хэлэлцүүлгийн үеэр онцлон тэмдэглэж байлаа.
“Frontier Securities” компаниас уламжлал болгон зохион байгуулдаг “Invest Mongolia 2015” чуулга уулзалт өнөөдөр өндөрлөнө. Чуулга уулзалт манай бизнес эрхлэгчдэд үр өгөөжөө хайрлаж, удахгүй таатай мэдээллүүд бидний сонорыг мялаана гэдэгт найдаж байна.
Мөн ирэх 12-р сарын 9-ний өдөр Токио хотноо Монголд хөрөнгө оруулагчдын чуулганыг зохион байгуулахаар төлөвлөжээ. Тус уулзалтанд 300 гаруй хүн оролцохоос, 100 орчим нь Монголын бизнес эрхлэгчид байх ажээ.
Энэ удаагийн уулзалтын гол зорилго нь эдийн засгийн таагүй нөхцөл байдалд байгаа Монгол Улсад гадны хөрөнгө оруулагчдын алдарсан итгэлийг сэргээх, бизнесийн орчныг сайжруулах, бизнес эрхлэгчдийн үйл ажиллагааг дэмжихэд шаардлагатай арга хэмжээг тодорхойлох зэрэгт оршиж байгаа юм.
“Invest Mongolia 2015” уулзалтанд гадаад болон дотоодын оролцогчид Монгол дахь хөрөнгө оруулалтын орчин, бизнесийн орчныг нээлттэй болгож, гадаадын хөрөнгө оруулагчидтай харилцан итгэлцлийг бий болгоход Монгол Улсын засгийн газрын гүйцэтгэх үүрэг, олон улсын хэмжээнд өрсөлдөхүйц зэсийн бизнесийг амжилттай явуулах, эдийн засгийн орчин дахь гэнэтийн өөрчлөлтүүд, мөнгөний бодлого бодит эдийн засагт хэрхэн нөлөөлж байгаа, Үл хөдлөх хөрөнгийн зах зээлийн өнөөгийн орчин, хөрөнгө оруулагчдад нээлттэй боломж, хууль, татварын орчин, цаашид барилгын шинэ төслүүдийг амжилттай хэрэгжүүлэх чиг хандлага болон банк санхүүгийн зах зээл, уул уурхайн эдийн засгийн байдал, цаашдын хандлага зэрэг өргөн хүрээний асуудлуудыг авч хэлэлцэж байгаа юм.
Хэлэлцэж буй асуудлуудаас Үл хөдлөх хөрөнгийн салбарын талаарх хэсгийг онцоллоо. Энэ хэсэгт “Asia Pacific Investment Partners”-ийн ерөнхийлөгч Б.Цэндсүрэн “Монгол дахь үл хөдлөх хөрөнгийн зах зээлийн ерөнхий байдал, хөрөнгө оруулагчдын боломж” гэсэн сэдвээр илтгэл тавьж, оролцогчдын асуултанд хариулсан юм. Мөн “Nova Terra”-гийн түнш Питер Морроу, “Asia Pacific Investment Partners”-ийн ерөнхийлөгч Б.Цэндсүрэн, Хаан банкны гүйцэтгэх захирал Норихико Като, “Оюуны Ундраа Пропертиз” компанийн гүйцэтгэх захирал, “Оюуны Ундраа” группийн Бизнес Хөгжлийн захирал О.Тэнүүн, Төрийн орон сууцны корпорацийн дэд захирал Д.Оюунжаргал, “Horizon Partner” компанийн түнш Н.Лхагвасүрэн нар тус салбарын хэлэлцүүлэгт оролцож, үл хөдлөх хөрөнгийн зах зээлийн өнөөгийн байдал, татвар, хууль эрхзүйн орчин, хөрөнгө оруулагчдэд нээлттэй боломж, эдийн засгийн уналттай байгаа энэ үед ямар арга хэмжээ авч хэрэгжүүлэх, зах зээлийн цаашдын чиг хандлага зэрэг сэдвээр ярилцсан юм.
Тэд өнөөгийн эдийн засгийн хямралтай үед борлуулалт буурсан үзүүлэлттэй байгаа ч, далд эдийн засгийн сэргэлт, уул уурхай гэх мэт бусад салбарын сэргэлт, үйл ажиллагаатай холбоотойгоор цаашид барилгын төслүүд амжилттай хэрэгжих хандлагатай байгаа гэдгийг хэлэлцүүлгийн үеэр онцлон тэмдэглэж байлаа.
“Frontier Securities” компаниас уламжлал болгон зохион байгуулдаг “Invest Mongolia 2015” чуулга уулзалт өнөөдөр өндөрлөнө. Чуулга уулзалт манай бизнес эрхлэгчдэд үр өгөөжөө хайрлаж, удахгүй таатай мэдээллүүд бидний сонорыг мялаана гэдэгт найдаж байна.
Мөн ирэх 12-р сарын 9-ний өдөр Токио хотноо Монголд хөрөнгө оруулагчдын чуулганыг зохион байгуулахаар төлөвлөжээ. Тус уулзалтанд 300 гаруй хүн оролцохоос, 100 орчим нь Монголын бизнес эрхлэгчид байх ажээ.