АНУ-ын Аризона мужид “Pinnacle Peak Patto” хэмээх ресторан маш алдартай. “Ямар ч зангиагүй” энэ бол тэдний уриа. Зангиатай хүн орж ирвэл шууд хайчилдаг хачирхалтай дүрэмтэй гэнэ. Ингэж хайчилж авсан зангиаг рестораныхаа таазан дээрээс зүүдэг уламжлалтай. Тус газрын цахим хуудсанд мэдээлснээр, үйлчлүүлэгчдээс авсан нэг сая гаруй зангиа байдаг аж.

“Pinnacle Peak Patto” ресторан 1957 онд нээгдсэн бөгөөд ойр орчмын нуур руу аялах жуулчдийн заавал очих газрын нэг болсон байна. Тухайн рестораны эзэн нь үйлчлүүлэгчдийг татах зорилгоор энэхүү хачирхалтай санааг бодож олжээ. Өнөөдөр энэхүү ресторан 1800 хүн хүлээн авах хүчин чадал бүхий "Дэлхийн хамгийн том стейктэй" газар юм.