Төв цэвэрлэх байгууламжийн ашиглалтын хугацаа дууссан уу
Өнөөдөр УИХ-ын гишүүн Л.Эрдэнэчимэг болон УСУГ-ын дарга С.Үнэн нар Төв цэвэрлэх байгууламжийн үйл ажиллагаатай танилцсан юм. Газар дээр нь очиход өнөөг хүртэл технологийн шинэчлэл хийгдэж байгаагүй, шугам хоолой нь элэгдэж, хагаралт үүссэн байдалтай байна.
Төв цэвэрлэх байгууламж нь Улаанбаатар хотын ачаалалыг даахгүй болсон, техник технологи муудсан учраас зайлшгүй шинэ цэвэрлэх байгууламж барих шаардлагатай гэдэг дээр тус байгууллагын зүгээс болоод УИХ-ын гишүүн Л.Эрдэнэчимэг, УСУГ-ын дарга С.Үнэн нар санал нэг байна. Энэ нь цэвэрлэх байгууламжийн ашиглалтын хугацаа дууссан гэж үзэж болохоор байгаа юм.
Төв цэвэрлэх байгууламж нь 1959 онд 6 км бохир усны шугамтайгаар ашиглалтад орж байжээ. Одоогоор ф150-1400 мм голчтой 168 км шугам хоолой, 2900 орчим бохир усны худгийн ашиглалтыг хариуцан ажилладаг.
УИХ-ын гишүүн Л.Эрдэнэчимэг
Би СХД-ээс сонгогдсон гишүүний хувьд цэвэрлэх байгууламжтай холбоотой ажлыг хийх ёстой гэж үзэж байгаа. Үүнээс шалтгаалан байгальд учирч байгаа хор хохирол яригдана. Нийслэлээс Туул голыг дагасан Нисэх, Шувуун фабрик, Биокомбинат гэсэн газрыг хотын төвлөрлийг бууруулах, амьдрах таатай орчин хэмээн зарласан. Гэтэл сүүлийн үед эдгээр газарт хүн амьдрахад бэрхшээлтэй болсон. Тиймээс зайлшгүй шинэчлэн сайжируулах хэрэгтэй байна. СХД-ээс сонгогдсон УИХ-ын гишүүд засгийн газарт 3 жилийн хугацаанд шаардлага тавьсан ч дорвитой арга хэмжээ авахгүй байна. Тиймээс энэ намар хэлэлцэх төсөвт суулгаж, ямар дэмжлэг үзүүлж болох талаар ярилцах гэж байна. Юун түрүүнд, шинэ цэвэрлэх байгууламж барих ёстой, дараа нь хууль эрхзүйн орчинг сайжруулах шаардлагатай гэж үзэж байна. Өөрөөр хэлбэл, бохирдуулагч үйлдвэрүүдэд төлбөр ногдуулах, эсвэл тусдаа цэвэрлэх байгууламжтай байх ёстой гэсэн асуудлыг хэлэлцэнэ.
УСУГ-ын дарга С.Үнэн
2007 оноос хойш Төв цэвэрлэх байгууламжийн асуудал яригдах болсон. Тус байгууламжийг шинэчлэх, техник, эдийн засгийн асуудлаар тендер зарлаад Франц улсын “Артелия Вилл” компани шалгарсан. Үндэсний аюулгүй байдлын зөвлөлөөс чиглэл өгч, 11-р сарын эхээр Улаанбаатар хотын усан хангамж болон Төв цэвэрлэх байгууламжийн асуудлын шийдлийг гаргах зураг төслийн ажлыг хийж дуусна. Одоогоор техник эдийн засгийн үндэслэлийг боловсруулах ажлыг гүйцэтгэж байна. Судалгааны ажил дууссан. Ирэх жил шинэ цэвэрлэх байгууламж барих ажлыг яаралтай эхлүүлэх хэрэгтэй. Өнгөрсөн 6-р сард гарсан гэмтлийн улмаас яаралтай засвар хийсэн. Шинэ цэвэрлэх байгууламж барих ажилд 5-6 жил шаардана. Энэ хугацаанд одоогийн байгууламж маань ачааллаа даах эсэх нь эргэлзээтэй байна. Бид Туул голын асуудлаас илүү иргэдийнхээ эрүүл мэндийг эн түрүүнд ярих ёстой.
Шинэ цэвэрлэх байгууламжийг барих хугацаанд одоогийн байгууламжийн нөхцөл байдал хүнд байна. Иймд бохир усны хоолойг суваггүй аргаар солих эсвэл шугам хоолойг доторлох, техник тоног төхөөрөмжийг нэвтрүүлж, ашиглах шаардлагатай тулгараад байна.
Төв цэвэрлэх байгууламж нь Улаанбаатар хотын ачаалалыг даахгүй болсон, техник технологи муудсан учраас зайлшгүй шинэ цэвэрлэх байгууламж барих шаардлагатай гэдэг дээр тус байгууллагын зүгээс болоод УИХ-ын гишүүн Л.Эрдэнэчимэг, УСУГ-ын дарга С.Үнэн нар санал нэг байна. Энэ нь цэвэрлэх байгууламжийн ашиглалтын хугацаа дууссан гэж үзэж болохоор байгаа юм.
Төв цэвэрлэх байгууламж нь 1959 онд 6 км бохир усны шугамтайгаар ашиглалтад орж байжээ. Одоогоор ф150-1400 мм голчтой 168 км шугам хоолой, 2900 орчим бохир усны худгийн ашиглалтыг хариуцан ажилладаг.
УИХ-ын гишүүн Л.Эрдэнэчимэг
Би СХД-ээс сонгогдсон гишүүний хувьд цэвэрлэх байгууламжтай холбоотой ажлыг хийх ёстой гэж үзэж байгаа. Үүнээс шалтгаалан байгальд учирч байгаа хор хохирол яригдана. Нийслэлээс Туул голыг дагасан Нисэх, Шувуун фабрик, Биокомбинат гэсэн газрыг хотын төвлөрлийг бууруулах, амьдрах таатай орчин хэмээн зарласан. Гэтэл сүүлийн үед эдгээр газарт хүн амьдрахад бэрхшээлтэй болсон. Тиймээс зайлшгүй шинэчлэн сайжируулах хэрэгтэй байна. СХД-ээс сонгогдсон УИХ-ын гишүүд засгийн газарт 3 жилийн хугацаанд шаардлага тавьсан ч дорвитой арга хэмжээ авахгүй байна. Тиймээс энэ намар хэлэлцэх төсөвт суулгаж, ямар дэмжлэг үзүүлж болох талаар ярилцах гэж байна. Юун түрүүнд, шинэ цэвэрлэх байгууламж барих ёстой, дараа нь хууль эрхзүйн орчинг сайжруулах шаардлагатай гэж үзэж байна. Өөрөөр хэлбэл, бохирдуулагч үйлдвэрүүдэд төлбөр ногдуулах, эсвэл тусдаа цэвэрлэх байгууламжтай байх ёстой гэсэн асуудлыг хэлэлцэнэ.
УСУГ-ын дарга С.Үнэн
2007 оноос хойш Төв цэвэрлэх байгууламжийн асуудал яригдах болсон. Тус байгууламжийг шинэчлэх, техник, эдийн засгийн асуудлаар тендер зарлаад Франц улсын “Артелия Вилл” компани шалгарсан. Үндэсний аюулгүй байдлын зөвлөлөөс чиглэл өгч, 11-р сарын эхээр Улаанбаатар хотын усан хангамж болон Төв цэвэрлэх байгууламжийн асуудлын шийдлийг гаргах зураг төслийн ажлыг хийж дуусна. Одоогоор техник эдийн засгийн үндэслэлийг боловсруулах ажлыг гүйцэтгэж байна. Судалгааны ажил дууссан. Ирэх жил шинэ цэвэрлэх байгууламж барих ажлыг яаралтай эхлүүлэх хэрэгтэй. Өнгөрсөн 6-р сард гарсан гэмтлийн улмаас яаралтай засвар хийсэн. Шинэ цэвэрлэх байгууламж барих ажилд 5-6 жил шаардана. Энэ хугацаанд одоогийн байгууламж маань ачааллаа даах эсэх нь эргэлзээтэй байна. Бид Туул голын асуудлаас илүү иргэдийнхээ эрүүл мэндийг эн түрүүнд ярих ёстой.
Шинэ цэвэрлэх байгууламжийг барих хугацаанд одоогийн байгууламжийн нөхцөл байдал хүнд байна. Иймд бохир усны хоолойг суваггүй аргаар солих эсвэл шугам хоолойг доторлох, техник тоног төхөөрөмжийг нэвтрүүлж, ашиглах шаардлагатай тулгараад байна.