БХБ-ын Дэд сайд Г.Байгалмаа: Та бүхэнд Монгол Улсад барилгын салбар үүсч хөгжсөний 89 жилийн ойн баярыг тохиолдуулан чин сэтгэлийн мэндчилгээ дэвшүүлье
МЭНДЧИЛГЭЭ
Эх орны бүтээн байгуулагч их үйлсийн эзэд, барилгын салбарын инженер, техникийн ажилтан, ажилчид, үе үеийн барилгачид Та бүхэнд Монгол Улсад барилгын салбар үүсч хөгжсөний 89 жилийн ойн баярыг тохиолдуулан чин сэтгэлийн мэндчилгээ дэвшүүлье.
Барилга, Хот байгуулалтын яам нь Засгийн газраас дэвшүүлсэн бүтээн байгуулалтын төсөл хөтөлбөрүүдийг амжилттай хэрэгжүүлж, үл хөдлөх хөрөнгийн зах зээлийг төрийн бодлогоор дэмжих барилгын салбарын бодлого, эрх зүйн орчинг боловсронгуй болгож, гадаадын хөрөнгө оруулалтыг татах, нэмэгдүүлэх чиглэлээр багагүй ажлыг зохион байгуулж эхнээсээ зохих үр дүнгээ өгч байна. Нийслэл болон бусад томоохон хотууд руу чиглэсэн хүн амын шилжилт хөдөлгөөнийг сааруулах, орон нутагт орон сууцны хангамжийг нэмэгдүүлэх, хүн амын эрүүл, аюулгүй, ая тухтай амьдрах нөхцлийг бүрдүүлэх зорилгоор аймгийн төв хотуудыг 2030 он хүртэл хөгжүүлэх ерөнхий төлөвлөгөө, “Аймаг бүрт 1000 айлын орон сууц” төслийг хэрэгжүүлэх, барилга, барилгын материалын үйлдвэрлэлд шинээр нэвтэрч байгаа орчин үеийн дэвшилтэт техник технологийг ногоон хөгжлийн бодлогод нийцүүлэн нэвтрүүлэх, барилгын салбарын тогтвортой хөгжлийг хангах, барилгын үйлдвэрлэлийн явцад гардаг аливаа осол эндэгдэлийг тэглэх зорилгоор хөдөлмөрийн аюулгүй ажиллагааны иж бүрэн тогтолцоог нэвтрүүлэх зорилт тавин ажиллаж байна.
Монгол Улсын Засгийн газраас дундаж давхаргын иргэдийн худалдан авч буй орон сууцны үнийн дүнгийн 20 хүртэлх хувьд ипотекийн зээлийн баталгаа гаргах асуудлыг шийдвэрлээд байна. Мөн Төрийн орон сууцны корпорацийн үйл ажиллагааг өргөжүүлэн түрээсийн орон сууцны зах зээлийг хөгжүүлэх зорилгоор зорилтот бүлэгт чиглэсэн “Түрээсийн орон сууц” хөтөлбөрийг батлууллаа.
Цаашид Барилга, хот байгуулалтын яамнаас эрхэм барилгачид та бүхний хөдөлмөр, бүтээлийн цаашдын гол зорилт болох чөлөөт, шударга өрсөлдөөнийг дэмжиж, нэгдсэн бодлого зохион байгуулалттайгаар барилгын ажлыг аль болох богино хугацаанд, бодит өртөг зардлаар, захиалагчийн эрэлт хэрэгцээнд бүрэн нийцсэн, шинэ дэвшилтэт техник технологи, шинжлэх ухааны ололт амжилтыг тусгасан барилгын материалын үйлдвэрлэлийн бүтээгдэхүүн, чанартай зураг төслөөр өндөр түвшинд хийж гүйцэтгэх ажил, бүтээлийг дэмжин ажиллана.
Барилгын салбар үүсч хөгжсөн 90-ээд жилийн хугацаанд аливаа бэрхшээлээс үл шантран мэдлэг туршлага, нөөц бололцоогоо дайчлан ажиллаж, үүрэг зорилтоо бодитойгоор ухамсарлан зүтгэж, орон сууц, үйлдвэрлэл үйлчилгээний зориулалтын олон зуун барилга байгууламжийг сүндэрлүүлэн босгож буй барилгын салбарынхандаа ажлын өндөр амжилт, эрүүл энх, сайн сайхан бүхнийг хүсъе.
БАРИЛГА, ХОТ БАЙГУУЛАЛТЫН
ДЭД САЙД Г.БАЙГАЛМАА
Эх орны бүтээн байгуулагч их үйлсийн эзэд, барилгын салбарын инженер, техникийн ажилтан, ажилчид, үе үеийн барилгачид Та бүхэнд Монгол Улсад барилгын салбар үүсч хөгжсөний 89 жилийн ойн баярыг тохиолдуулан чин сэтгэлийн мэндчилгээ дэвшүүлье.
Барилга, Хот байгуулалтын яам нь Засгийн газраас дэвшүүлсэн бүтээн байгуулалтын төсөл хөтөлбөрүүдийг амжилттай хэрэгжүүлж, үл хөдлөх хөрөнгийн зах зээлийг төрийн бодлогоор дэмжих барилгын салбарын бодлого, эрх зүйн орчинг боловсронгуй болгож, гадаадын хөрөнгө оруулалтыг татах, нэмэгдүүлэх чиглэлээр багагүй ажлыг зохион байгуулж эхнээсээ зохих үр дүнгээ өгч байна. Нийслэл болон бусад томоохон хотууд руу чиглэсэн хүн амын шилжилт хөдөлгөөнийг сааруулах, орон нутагт орон сууцны хангамжийг нэмэгдүүлэх, хүн амын эрүүл, аюулгүй, ая тухтай амьдрах нөхцлийг бүрдүүлэх зорилгоор аймгийн төв хотуудыг 2030 он хүртэл хөгжүүлэх ерөнхий төлөвлөгөө, “Аймаг бүрт 1000 айлын орон сууц” төслийг хэрэгжүүлэх, барилга, барилгын материалын үйлдвэрлэлд шинээр нэвтэрч байгаа орчин үеийн дэвшилтэт техник технологийг ногоон хөгжлийн бодлогод нийцүүлэн нэвтрүүлэх, барилгын салбарын тогтвортой хөгжлийг хангах, барилгын үйлдвэрлэлийн явцад гардаг аливаа осол эндэгдэлийг тэглэх зорилгоор хөдөлмөрийн аюулгүй ажиллагааны иж бүрэн тогтолцоог нэвтрүүлэх зорилт тавин ажиллаж байна.
Монгол Улсын Засгийн газраас дундаж давхаргын иргэдийн худалдан авч буй орон сууцны үнийн дүнгийн 20 хүртэлх хувьд ипотекийн зээлийн баталгаа гаргах асуудлыг шийдвэрлээд байна. Мөн Төрийн орон сууцны корпорацийн үйл ажиллагааг өргөжүүлэн түрээсийн орон сууцны зах зээлийг хөгжүүлэх зорилгоор зорилтот бүлэгт чиглэсэн “Түрээсийн орон сууц” хөтөлбөрийг батлууллаа.
Цаашид Барилга, хот байгуулалтын яамнаас эрхэм барилгачид та бүхний хөдөлмөр, бүтээлийн цаашдын гол зорилт болох чөлөөт, шударга өрсөлдөөнийг дэмжиж, нэгдсэн бодлого зохион байгуулалттайгаар барилгын ажлыг аль болох богино хугацаанд, бодит өртөг зардлаар, захиалагчийн эрэлт хэрэгцээнд бүрэн нийцсэн, шинэ дэвшилтэт техник технологи, шинжлэх ухааны ололт амжилтыг тусгасан барилгын материалын үйлдвэрлэлийн бүтээгдэхүүн, чанартай зураг төслөөр өндөр түвшинд хийж гүйцэтгэх ажил, бүтээлийг дэмжин ажиллана.
Барилгын салбар үүсч хөгжсөн 90-ээд жилийн хугацаанд аливаа бэрхшээлээс үл шантран мэдлэг туршлага, нөөц бололцоогоо дайчлан ажиллаж, үүрэг зорилтоо бодитойгоор ухамсарлан зүтгэж, орон сууц, үйлдвэрлэл үйлчилгээний зориулалтын олон зуун барилга байгууламжийг сүндэрлүүлэн босгож буй барилгын салбарынхандаа ажлын өндөр амжилт, эрүүл энх, сайн сайхан бүхнийг хүсъе.
БАРИЛГА, ХОТ БАЙГУУЛАЛТЫН
ДЭД САЙД Г.БАЙГАЛМАА