Нийслэл хотын өвөлжилтийн бэлтгэл ажлын талаар зөвлөлдлөө
Нийслэлийн удирдлагын зөвлөлийн ээлжит хуралдаан өргөтгөсөн бүрэлдэхүүнтэйгээр хуралдаж, өвөлжилтийн бэлтгэл ажлын талаар зөвлөлдлөө. Хуралдаанд цахилгаан, дулаан, авто зам, эрүүл мэнд, боловсрол, мэдээлэл холбооны холбогдох байгууллагуудын төлөөлөл оролцож, өвөлжилтийн бэлтгэл ажлын хэрэгжилт, явцын талаар мэдээлэл солилцож, биелэлтийн талаар ярилцсан юм.
“Улаанбаатар цахилгаан түгээх сүлжээ” компанийн хувьд энэ онд оногдсон хөрөнгөөрөө хийх ёстой засварын ажлуудыг зохих чанарын түвшинд нь хийж гүйцэтгэсэн гэдгээ мэдэгдлээ. Ялангуяа гэр хорооллуудын хувьд энэ өвлийн улиралд цахилгаан хангамж хүрэлцээтэй, найдвартай байна. Харин “Улаанбаатар Дулааны Сүлжээ” компани нь 2015 онд 3А, 3Б гэсэн магистраль шугамуудыг сольсон гээд томоохон ажлуудыг хийж гүйцэтгэжээ. Үүний үр дүнд ирэх 27-30 жилийн хугацаанд дээрх магистраль шугаманд засвар хийхгүйгээр ашиглах бүрэн боломжтой аж. Тус компани нь өөрийн болон улсын төсвийн хөрөнгөөр шугамын жижиг, дунд засвар, шинэчлэлийн багагүй ажлыг хийжээ. Мөн 16-р хороолол гэх мэт дулаан хангамжийн хүндрэлтэй хэд хэдэн байршлын шугамын засварын ажилд багагүй хөрөнгө, хүч зарцуулан ажилласан учраас өвлийн бэлтгэл ажил үндсэндээ хангагдсан гэж үзэж байна.
Хурлын үеэр Улаанбаатар хотын ерөнхий менежер бөгөөд Захирагчийн ажлын албаны дарга Ч.Бадрал хэлсэн үгэндээ, цахилгаан, дулаан, усны хэрэглэгчдийг 1-3 гэсэн зэрэглэлд ангилдгийг дурдаад, 1-р ангилалд багтдаг томоохон хэрэглэгчид болох эмнэлгүүдийн хагалгааны өрөөнүүд, харилцаа шуудан холбооны тархи болсон удирдлагын төв, гадаад харилцаатай холбоотой болоод төрийн тусгай хамгаалалтанд байдаг газрууд өөрсдийн хөрөнгөөр нэмэлт тэжээл, эх үүсвэртэй байх хэрэгтэй гэдэг хуулийн заалт, эрх үүргээ биелүүлэх хэрэгтэйг анхааруулсан юм.
Цахилгаан, дулаан, ус гээд бүхий л хэрэглээний хангамж хязгаарлагдмал байдгаас үйлдвэрлэлийн байгууллагууд нийгмийн хариуцлагаа ухамсарлаж, дараа дараагийн найдвартай байдлыг хангахын тулд зохих хэмжээний хэмнэлтийн бодлогыг барьж ажиллахыг тэрээр хүслээ.
ОСНААУГазар 2 орчим тэрбум төгрөгийн санхүүжилтээр хорооллын дундах засварын ажлуудыг хийжээ. Түүний дотор ус, дулаан дамжуулах төв ЗТП болон тухайн байршилдаа магистраль маягийн шугам хоолой, хаалтуудыг сольж, бусад тохируулгуудыг хийх ажил дуусах шатандаа байгаа бөгөөд бусад 9 ажлыг хэдийнэ гүйцэтгэсэн аж.
9-р сарын 15-наас өвлийн горимд шилжих үед анхнаас нь хийгдсэн, тухайн барилга байгууламжийн доод давхар, зоорийн хэсэгт байдаг тохируулга, зүгшрүүлэлтийг мэргэжлийн бус хүмүүс дур мэдэн хөдөлгөж болохгүй гэдгийг Хотын ерөнхий менежер хатуу анхаарууллаа. Тиймээс 10-р сарын 1 хүртэл буюу дулаан хангамжийн асуудал жигдэртэл мэргэжлийн бус хүмүүс тухайн шугам хоолой, тоног төхөөрөмжид ямар нэгэн байдлаар өөрчлөлт болон засвар хийх ёсгүй аж. 2015 онд нийслэлийн төсөвт хэд хэдэн ажил гүйцэтгэх төлөвлөгөөг тусгаснаас стратегийн чанартай инженерийн барилга байгууламж, объектууд дээр мөн ажил гүйцэтгэсэн байна.
Ус Сувгийн Удирдах газрын өвлийн бэлтгэл ажил 93 хувьтай байна. Энэ онд тус байгууллага 3А, 3Б дулааны магистраль шугамтай хамт өөрсдийн шугамыг хийж гүйцэтгэжээ. Харин тус газрын харъяа Төв цэвэрлэх байгууламжийн хувьд жил бүр тогтмол хийх ёстой урсгал засварын ажлаа гүйцэтгэсэн байна. Гэсэн ч цаашид Төв цэвэрлэх байгууламжийн хүчин чадал хязгаарлагдмал байх нь тодорхой байгаа. Учир нь тус байгууламжийг шинэчлэх техник эдийн засгийн үндэслэл, зураг гэх мэт ажил хурдацтай байгаагаас ирэх онд дараагийн ээлжийн бүтээн байгуулалтыг хийх үндэс нь тавигдаж байгаа аж.
“Улаанбаатар цахилгаан түгээх сүлжээ” компанийн хувьд энэ онд оногдсон хөрөнгөөрөө хийх ёстой засварын ажлуудыг зохих чанарын түвшинд нь хийж гүйцэтгэсэн гэдгээ мэдэгдлээ. Ялангуяа гэр хорооллуудын хувьд энэ өвлийн улиралд цахилгаан хангамж хүрэлцээтэй, найдвартай байна. Харин “Улаанбаатар Дулааны Сүлжээ” компани нь 2015 онд 3А, 3Б гэсэн магистраль шугамуудыг сольсон гээд томоохон ажлуудыг хийж гүйцэтгэжээ. Үүний үр дүнд ирэх 27-30 жилийн хугацаанд дээрх магистраль шугаманд засвар хийхгүйгээр ашиглах бүрэн боломжтой аж. Тус компани нь өөрийн болон улсын төсвийн хөрөнгөөр шугамын жижиг, дунд засвар, шинэчлэлийн багагүй ажлыг хийжээ. Мөн 16-р хороолол гэх мэт дулаан хангамжийн хүндрэлтэй хэд хэдэн байршлын шугамын засварын ажилд багагүй хөрөнгө, хүч зарцуулан ажилласан учраас өвлийн бэлтгэл ажил үндсэндээ хангагдсан гэж үзэж байна.
Хурлын үеэр Улаанбаатар хотын ерөнхий менежер бөгөөд Захирагчийн ажлын албаны дарга Ч.Бадрал хэлсэн үгэндээ, цахилгаан, дулаан, усны хэрэглэгчдийг 1-3 гэсэн зэрэглэлд ангилдгийг дурдаад, 1-р ангилалд багтдаг томоохон хэрэглэгчид болох эмнэлгүүдийн хагалгааны өрөөнүүд, харилцаа шуудан холбооны тархи болсон удирдлагын төв, гадаад харилцаатай холбоотой болоод төрийн тусгай хамгаалалтанд байдаг газрууд өөрсдийн хөрөнгөөр нэмэлт тэжээл, эх үүсвэртэй байх хэрэгтэй гэдэг хуулийн заалт, эрх үүргээ биелүүлэх хэрэгтэйг анхааруулсан юм.
Цахилгаан, дулаан, ус гээд бүхий л хэрэглээний хангамж хязгаарлагдмал байдгаас үйлдвэрлэлийн байгууллагууд нийгмийн хариуцлагаа ухамсарлаж, дараа дараагийн найдвартай байдлыг хангахын тулд зохих хэмжээний хэмнэлтийн бодлогыг барьж ажиллахыг тэрээр хүслээ.
ОСНААУГазар 2 орчим тэрбум төгрөгийн санхүүжилтээр хорооллын дундах засварын ажлуудыг хийжээ. Түүний дотор ус, дулаан дамжуулах төв ЗТП болон тухайн байршилдаа магистраль маягийн шугам хоолой, хаалтуудыг сольж, бусад тохируулгуудыг хийх ажил дуусах шатандаа байгаа бөгөөд бусад 9 ажлыг хэдийнэ гүйцэтгэсэн аж.
9-р сарын 15-наас өвлийн горимд шилжих үед анхнаас нь хийгдсэн, тухайн барилга байгууламжийн доод давхар, зоорийн хэсэгт байдаг тохируулга, зүгшрүүлэлтийг мэргэжлийн бус хүмүүс дур мэдэн хөдөлгөж болохгүй гэдгийг Хотын ерөнхий менежер хатуу анхаарууллаа. Тиймээс 10-р сарын 1 хүртэл буюу дулаан хангамжийн асуудал жигдэртэл мэргэжлийн бус хүмүүс тухайн шугам хоолой, тоног төхөөрөмжид ямар нэгэн байдлаар өөрчлөлт болон засвар хийх ёсгүй аж. 2015 онд нийслэлийн төсөвт хэд хэдэн ажил гүйцэтгэх төлөвлөгөөг тусгаснаас стратегийн чанартай инженерийн барилга байгууламж, объектууд дээр мөн ажил гүйцэтгэсэн байна.
Ус Сувгийн Удирдах газрын өвлийн бэлтгэл ажил 93 хувьтай байна. Энэ онд тус байгууллага 3А, 3Б дулааны магистраль шугамтай хамт өөрсдийн шугамыг хийж гүйцэтгэжээ. Харин тус газрын харъяа Төв цэвэрлэх байгууламжийн хувьд жил бүр тогтмол хийх ёстой урсгал засварын ажлаа гүйцэтгэсэн байна. Гэсэн ч цаашид Төв цэвэрлэх байгууламжийн хүчин чадал хязгаарлагдмал байх нь тодорхой байгаа. Учир нь тус байгууламжийг шинэчлэх техник эдийн засгийн үндэслэл, зураг гэх мэт ажил хурдацтай байгаагаас ирэх онд дараагийн ээлжийн бүтээн байгуулалтыг хийх үндэс нь тавигдаж байгаа аж.