Монгол Улсад Барилгын салбар үүсч хөгжсөний 89 жилийн ойн баяртай давхцан “Барилга.МН” сэтгүүлийн шинэхэн дугаар худалдаанд гарлаа. Ойн баяртай холбогдуулан сэтгүүлийн редакцийн зүгээс болон Барилга, Хот Байгуулалтын дэд сайд Г.Байгалмаа, НЗДТГ-ын Хөрөнгө оруулалт хариуцсан орлогч дарга С.Очирбат нарын дэвшүүлсэн мэндчилгээг хүргэж байна.

     Хүйтний улирал ирж байгаатай холбогдуулан бид энэ удаагийн дугаартаа дулааны хангамжийн асуудлыг онцолж, “Улаанбаатар Дулааны Сүлжээ” хувьцаат компанийн захирал Р.Хайдавыг урьж, ярилцлаа. Түүнтэй нийслэл хотын дулаан шугам сүлжээний өнөөгийн нөхцөл байдал, засвар шинэчлэлийн асуудал болон цаашид энэ салбарт хийх ажлын төлөвлөгөө, төсөв, хөрөнгө оруулалтын талаар ярилцсан юм.



     Түүнчлэн манай улсад барилгын салбартай салшгүй нягт холбогддог нэгэн чухал салбар болох Инженер-Геологийн алба байгуулагдсаны 55 жилийн ой энэ онд тохиож байгаа. Ойн баярт зориулан тус албанд олон жил хүчин зүтгэж, үнэтэй хувь нэмрээ оруулсан ахмад инженер-геологичдын дурдатгал, дурсамжаас хуваалцахын зэрэгцээ Барилгын Инженер-Геологичдын холбооны тэргүүн О.Балдоржтой салбарын асуудлаар ярилцсаныг “Хэн юу хэлэв” булангаас уншиж сонирхоорой.



     Барилгын салбарт нэвтрүүлж буй Евростандарт, онцлох үйл явдлын товчоон болон өнгөрсөн сард Мишээл Экспо төвд 3 өдрийн турш үргэлжилсэн “Барилга Орон Сууц 2015” үзэсгэлэн яармагийн талаарх мэдээллийг сэтгүүлийн авах боломжтой. Тус үзэсгэлэнг угтан зохион байгуулсан Бизнес эрхлэгчдийн уулзалтанд Төрийн байгууллагын төлөөллийн тавьсан илтгэл, хөрөнгө оруулагчдын өрнүүлсэн хэлэлцүүлэг, үл хөдлөх хөрөнгө, барилгын салбарыг хөгжүүлэхэд ямар арга хэмжээ авч хэрэгжүүлэх шаардлагатай байгаа талаарх сурвалжлагыг мөн онцлон хүргэж байна.



     Энэ онд 100 насны ой нь тохиож буй Монголын барилгын сайд, Монгол Улсын Гавъяат барилгачин Гончиг агсны хөрөг нийтлэл, Гэр хорооллын дахин төлөвлөлтийн талаар асуудал хөндсөн, Ногоон барилгын үр дүн ач холбогдлын талаарх мэдээлэл өгсөн нийтлэл, дэлхийн архитектурын гайхамшгийг харуулсан уран барилга, салбарын мэргэжилтнүүдэд зориулсан зөвлөмж, оюун ухаан шалгасан бодлого, шинэ орон сууцны үнийн судалгаа, барилгын материалын үнэ ханш, олон улсын чанартай томоохон үйл явдлын хураангуй гээд олон талын сонирхолтой мэдээ, сурвалжлага, нийтлэлийг “Барилга.МН” сэтгүүлийн шинэ дугаараас хүлээн авах боломжтой.