Хүн амын ус хангамжийн асуудлыг сайжруулах зорилгоор “Улаанбаатар хотын цэвэр, бохир усны хоолойг шуудуу ухалгүйгээр доторлох” төслийг хэрэгжүүлэхээр болжээ. Тус төслийг НЗД-ын Санхүү, эдийн засгийн асуудал хариуцсан орлогчийн захирамжаар Австрийн засгийн газрын хөнгөлөлттэй зээлээр хэрэгжүүлэхээр болсон байна. Төслийг хэрэгжүүлэн гүйцэтгэх ажлыг Ус Сувгийн удирдах газар хариуцах аж.

     Төслийг амжилттай, үр дүнтэй хэрэгжүүлэхэд анхаарч төсөл хэрэгжих явцад гарч буй аливаа хүндрэл бэрхшээлтэй асуудлыг шийдвэрлэх “Төслийн удирдах хороо” байгуулж ажиллахыг нийслэлийн Засаг даргын Зам тээвэр, дэд бүтцийн асуудал хариуцсан орлогч Н.Гантөмөрт, дээрх төслөөр бий болсон хөрөнгийг нийслэлийн өмчид бүртгэн авахыг Өмчийн харилцааны газарт, захирамжийн хэрэгжилтэд хяналт тавьж ажиллахыг Улаанбаатар хотын Захирагчийн ажлын албанд үүрэг болгожээ.