“Хотын ногоон хөгжил” форум Монголд
Зүүн хойд Азийн хотын дарга нарын форумын хүрээнд “Хотын ногоон хөгжил” сэдэвчилсэн хуралдааныг энэ сарын 21, 22-ны өдрүүдэд Улаанбаатар хотноо зохион байгуулах гэж байна. Энэ талаар өнөөдөр мэдэгдэл хийхээр НЗД-ын Экологи, ногоон хөгжлийн асуудал хариуцсан орлогч Т.Бат-Эрдэнэ, НЗДТГ-ын Гадаад харилцааны хэлтсийн газрын дарга Д.Наранцэцэг, Нийслэлийн байгаль орчин ногоон хөгжлийн газрын дарга Г.Болормаа нар хэвлэлийн бага хурал хийсэн юм. Тус форум нь дэлхий дахины ногоон хөгжилд хувь нэмрээ оруулах, бат тогтвортой зогсож, байгаль орчноо хамгаалах, ногоон технологийг нутагшуулах зэрэгт анхаарал хандуулж, ажил хэрэг болгох зорилготой аж.
Нийслэлийн Засаг даргын 2013-2016 оны хот хөгжүүлэх үйл ажиллагааны хөтөлбөрт холбогдох хууль тогтоомжийг хэрэгжүүлэх зорилгоор нийслэлд анх удаа Ногоон хөгжлийн стратеги төлөвлөгөөтэй болох шийдвэр гаргасан. Улмаар боловсруулалтын ажил хийгдэж байгаа бөгөөд форумын үеэр харилцан санал, туршлага солилцож, тус төлөвлөгөөнд тусгахаар шийдвэрлэжээ.
Хотын Ногоон хөгжлийн форумд Байгаль орчин ногоон хөгжил, аялал жуулчлалын сайд Н.Батцэрэг, Нийслэлийн Засаг дарга бөгөөд Улаанбаатар хотын захирагч Э.Бат-Үүл, нийслэлийн удирдлагууд, холбогдох албаныхан болон БНХАУ-ын 4 хот, ОХУ-ын 2 хот, БНСУ-ын Сөүл, Японы Нийгата зэрэг хотуудын дарга, орлогч, экологи, ногоон хөгжил хариуцсан ажилтнууд, Дэлхийн банк, Азийн сан, зэрэг ОУ-ын байгууллагуудын төлөөллүүд оролцох юм.
Тус хуралд:
Нийслэлийн Засаг даргын 2013-2016 оны хот хөгжүүлэх үйл ажиллагааны хөтөлбөрт холбогдох хууль тогтоомжийг хэрэгжүүлэх зорилгоор нийслэлд анх удаа Ногоон хөгжлийн стратеги төлөвлөгөөтэй болох шийдвэр гаргасан. Улмаар боловсруулалтын ажил хийгдэж байгаа бөгөөд форумын үеэр харилцан санал, туршлага солилцож, тус төлөвлөгөөнд тусгахаар шийдвэрлэжээ.
Хотын Ногоон хөгжлийн форумд Байгаль орчин ногоон хөгжил, аялал жуулчлалын сайд Н.Батцэрэг, Нийслэлийн Засаг дарга бөгөөд Улаанбаатар хотын захирагч Э.Бат-Үүл, нийслэлийн удирдлагууд, холбогдох албаныхан болон БНХАУ-ын 4 хот, ОХУ-ын 2 хот, БНСУ-ын Сөүл, Японы Нийгата зэрэг хотуудын дарга, орлогч, экологи, ногоон хөгжил хариуцсан ажилтнууд, Дэлхийн банк, Азийн сан, зэрэг ОУ-ын байгууллагуудын төлөөллүүд оролцох юм.
Тус хуралд:
- Ногоон өсөлтийн хандлага, тулгарч буй асуудлууд
- Ногоон дэд бүтэц. Байгаль орчинд ээлтэй, ухаалаг хот төлөвлөлт
- Ногоон амьдралын хэв маяг, боловсрол
- Хот суурин газрын эрчим хүчний асуудал. Замбараагүй хэрэглээг танах, өөрчлөлт хийх, ногоон технологийг нутагшуулах, эрчим хүчний тэг хэрэглээг нэвтрүүлэх
- Эрчим хүчний хэмнэлттэй орон сууц, барилга байгууламжийн стратеги бодлого
- Хот суурин газрын цэвэр, бохир усны асуудал гэсэн сэдвээр илтгэл тавина.
Өмнө нь 2014 оны 8-р сард Нийслэлийн засаг даргын санаачилгаар “Зүүн хойд Азийн хотын дарга нарын форум”–ыг “Хотын тогтвортой, хүртээмжтэй хөгжил” сэдвийн хүрээнд бүс нутгийн улс, хотуудын удирдлага Улаанбаатар хотод чуулж байжээ.