Дэлхийн эдийн засгийн форумаас жил бүр Дэлхийн хамгийн өндөр өрсөлдөхүйц чадавхтай орнуудыг тодруулж, эрэмбэлэн ангилсан жагсаалтыг гаргадаг. Тэгвэл хамгийн сүүлд гаргасан буюу 2015-2016 оны шинэ жагсаалтын эхний гурван байрыг Швейцарь, Сингапур, АНУ дахин эзэлжээ. Өндөр чадавхтай орнуудыг тодруулахдаа, үйлдвэрлэлийн салбар дахь үйл ажиллагааг голчилсон 113 төрлийн үзүүлэлтэд тулгуурлан гаргадаг аж.

Жагсаалтыг тэргүүлсэн 10 орон:

     Энэ удаагийн шалгаруулалтад Нидерланд, Энэтхэг орнуудын эдийн засгийн нөхцөл байдал сайжирч, хэд хэдэн шат ахисан дүнтэй байгааг ажиглагчид онцолсон байна. 2014-2015 оны жагсаалтын эхний гурван байр энэ удаад хэвээр үлдсэн ч, бусад 140 байрт нэлээд өөрчлөлт оржээ. Тухайлбал, 8-рт орсон Нидерландын байр дээшилж 5-рт жагссан байна. Бразиль улс жагсаалтын 18-р байрнаас 75 хүртлээ буурч, БРИКС-ийн гишүүн орнуудаас хамгийн муу үр дүнг үзүүлсэн юм. Харин Энэтхэгийн байр 16 шатаар ахиж, 55-рт жагссан аж.

     Өрсөлдөх чадварыг тухайн улс орны ашиг олох боломж, хөгжил цэцэглэлт болон эдийн засгийн үр өгөөжийн түвшинг тодорхойлдог хүчин зүйлс, бодлого, тогтолцоо зэрэг үзүүлэлтэнд үндэслэн эрэмбэлдэг юм байна. Эдгээр шалгуур үзүүлэлтэнд дэд бүтэц, технологийн дэвшил, макро эдийн засгийн орчин зэрэг салбарууд багтдаг аж.

     Санхүүгийн хямрал байгаа ч, гол хөгжингүй эдийн засгуудын үзүүлэлт өндөр хэвээр байгаа бөгөөд дэлхийн эдийн засгийн өсөлт түүхэнд байгаагүйгээр удаашрах төлөвтэй байгааг ажиглагчид онцолжээ.