Барилгын салбарт ногоон технологи нэвтрүүлэгчдийн үзэсгэлэн яармаг эхэллээ
Европын Холбоо, Чехийн хөгжлийн агентлагийн дэмжлэгээр “Байгаль орчинд ээлтэй, эрчим хүчний хэмнэлттэй барилгын үйлдвэрлэлийг дэмжих төслийг хэрэгжүүлэгч “Каритас Чех Репаблик” Олон Улсын байгууллага болон Байгаль Орчин Ногоон Хөгжил, Аялал Жуулчлалын Яам, Барилгын Зөвлөгөө Мэдээллийн Төв хамтран “Ногоон Барилга 2015” үзэсгэлэн яармаг өнөөдөр МҮХАҮТ-д эхэлж байна.
Хоёр өдрийн турш үргэлжлэх тус үзэсгэлэн яармагт эрчим хүчний хэмнэлттэй, байгаль орчинд ээлтэй дэвшилтэт технологийг барилгын салбарт нэвтрүүлэгч ЖДҮ, аж ахуйн нэгж, байгууллагуудыг үнэ төлбөргүй хамруулж, олон нийтэд таниулан сурталчлах, иргэдэд ногоон барилга, технологийн талаар нэгдсэн ойлголт, мэдээлэл өгөх, амьдрал ахуйдаа хэрэгжүүлэхэд нь дэмжлэг үзүүлэх, зөвлөгөө өгөх зэрэг үйл ажиллагаа явагдах юм.
Үзэсгэлэнд:
Хоёр өдрийн турш үргэлжлэх тус үзэсгэлэн яармагт эрчим хүчний хэмнэлттэй, байгаль орчинд ээлтэй дэвшилтэт технологийг барилгын салбарт нэвтрүүлэгч ЖДҮ, аж ахуйн нэгж, байгууллагуудыг үнэ төлбөргүй хамруулж, олон нийтэд таниулан сурталчлах, иргэдэд ногоон барилга, технологийн талаар нэгдсэн ойлголт, мэдээлэл өгөх, амьдрал ахуйдаа хэрэгжүүлэхэд нь дэмжлэг үзүүлэх, зөвлөгөө өгөх зэрэг үйл ажиллагаа явагдах юм.
Үзэсгэлэнд:
- Төрөл бүрийн эко цахилгаан халаагуур
- Цахилгаан зуух
- Бие даасан цэвэрлэх байгууламж
- Хонины ноосон дулаалга
- Эко будаг, эмульс
- Эко дээвэр
- Гэрэл, гэрэлтүүлэг
- Эрчим хүчний хэмнэлтийн тухай гарын авлага
- “Киви” ногоон хэрэглээний зээлийн танилцуулга гэх мэтчилэн анх удаагаа барилгын салбар дахь “Ногоон” техник, технологи нэг дор танилцуулна.
Ногоон барилгын материал, дэвшилтэт техник технологи, шинэ бүтээгдэхүүнтэй танилцан, мэдээ мэдээлэл авахыг хүссэн хэн бүхний өмнө үзэсгэлэнгийн хаалга нээлттэй тул хүрэлцэн ирэхийг урьж байна.