Нийслэлийн Засаг даргын Тамгын газрын санаачилгаар Зүүн Хойд Азийн хотуудын дарга нар Улаанбаатар хотод 2 өдрийн турш чууллаа. Тус уулзалтаар ногоон хөгжлийн тулгамдаж буй асуудал, шийдэл, туршлага солилцох, ногоон дэд бүтэц, ногоон амьдралын хэв маяг, хот суурин газрын хөгжил, ногоон барилга, байгууламжийн талаар бүс нутгийн зургаан улсын есөн хотын дарга, орлогч, холбогдох албаныхан, Олон Улсын байгууллагууд оролцсон юм. “Ногоон хотын хөгжил” форумд нийт 7 сэдвээр 20 гаруй илтгэл тавьж, хэлэлцлээ.

Хамтран гаргасан саналаа нэгтгэн, Парис хотноо ирэх 12 дугаар сард болох НҮБ-ын чуулганд өргөн барих болсон. Үүнийг нийслэлийн Засаг дарга бөгөөд Улаанбаатар хотын Захирагч Э.Бат-Үүл уламжилах аж.

Европын Холбоо, Чехийн хөгжлийн агентлагийн дэмжлэгээр “Байгаль орчинд ээлтэй, эрчим хүчний хэмнэлттэй барилгын үйлдвэрлэлийг дэмжих төслийг хэрэгжүүлэгч “Каритас Чех Репаблик” олон улсын байгууллага болон  Байгаль Орчин Ногоон Хөгжил, Аялал Жуулчлалын Яам, Барилгын Зөвлөгөө Мэдээллийн Төв хамтран “Ногоон Барилга 2015” үзэсгэлэн яармагийг 2015 оны 10-р сарын 2, 3-ны өдрүүдэд МҮХАТанхимд зохион байгуулах гэж байна.
Дэлгэрэнгүй мэдээллийг ЭНДЭЭС харна уу.