2015 оны байдлаар амины орон сууцны үнэ ханш өсөлт, бууралт аль алийг нь үзүүлсэн байна. Мөн оны 1-11 дүгээр сар хүртэлх амины орон сууцны ам метрийн дундаж үнийг харьцуулахад 2, 3-р сард бууралттай, 4, 5, 6-р сард өсөлттэй, 7-р сараас хойш буурсан үзүүлэлттэй гарсныг “Real Properties Ulaanbaatar” компанийн Үл хөдлөх хөрөнгийн судалгааны тоймоос харж болохнээ. 2015 оны 11-р сард Улаанбаатар хотод борлуулалтанд байгаа амины орон сууцны 30 төсөлд дүн шинжилгээ хийснээс ам метрийн дундаж үнэ нь 2,150,000 төгрөг байна гэсэн дүн гарсан байна.

     Нийт хэрэгжиж буй амины орон сууцны төслүүдийг байршлаар нь авч үзвэл 62 хувь нь Хан-Уул, 21 хувь нь Сүхбаатар, 10 хувь нь Сонгинохайрхан, 7 хувь нь Баянзүрх дүүрэгт байрлажээ. Эдгээр төслийн үнэ ханшийн мэдээлэл, харьцуулсан дүгнэлтийг дэлгэрэнгүй хүлээн авна уу.