Ипотекийн зээлийг түр зогсоосон, орон сууцны зээлийн урьдчилгааг 10 хувь болгон бууруулах шийдвэрийн хэрэгжилтийг эхлүүлээгүй, эдийн засгийн нөхцөл байдал сулхан байгаа энэ үед шинэ ба хуучин байрны үнэ бууралттай байгаа билээ. Гэхдээ 2015 оны 11-р сарын байдлаарх 1-4 өрөө хуучин орон сууцны үнийг өмнөх сарынхтай харьцуулахад 1-2 өрөө байрны үнэ өсөлттэй, 3-4 өрөө байрны үнэ бууралттай байна. Энэхүү дундаж үнийн хэмжээг тогтоохдоо “Real Properties Ulaanbaatar” компанийн судлаачид Улаанбаатар хотын зургаан дүүрэгт борлуулагдах зар өгсөн 337 орон сууцны мэдээллийг цуглуулан дүгнэлт хийж гаргажээ.

     Эдгээр орон сууцны 26 хувь бупюу 89 зар нь Баянгол, 24 хувь буюу 81 зар нь Баянзүрх, 12 хувь буюу 40 зар нь Сүхбаатар, 14 хувь буюу 47 зар нь Хан-Уул, 11 хувь буюу 36 зар нь Чингэлтэй дүүрэгт байгаа аж. Хуучин орон сууцны үнэ ханш, дэлгэрэнгүй мэдээллийг хүлээн авна уу.