Агаарын бохирдлоороо дэлхийд тэргүүлж буй орнуудын нэг болох Хятадын иргэн Нат Брадер нэгэн сонирхолтой туршилтыг хийжээ. Тэрээр “Шувууны үүр”-нээс CCTV телевизийн цамхаг хүртэл байрлах Бээжингийн томоохон гудамж, бусад дүүргүүдэд өндөр хүчин чадалтай тоос сорогчоор соруулж авсан утаа, тоосонцрыг шавартай хольж, тоосго хийх туршилтаа амжилттай дуусгажээ. Хотыг бүхэлд нь бүрхсэн утаа манан, тоосжилтоос дайжсан оршин суугчид гэрээсээ гарч чадахгүй байхад Нат Брадер өдөр бүр 4 цагаар нийт 100 өдөр гудамжинд зогсож туршилтаа хийж байв. Тэрээр агаарын чанарын индекс сайжрах байлгүй хэмээн найдаж хүлээлгүйгээр, бохир агаарын утаа, тоосонцроор хэрхэн юу хийж болох вэ гэдгийг сайтар тунгаасны эцэст энэхүү санааг сэджээ.

     Шенженээс гаралтай, 34 настай залуу 2015 оны долдугаар сард өөрийн туршилтыг олон нийтэд зарласнаас хойш туршилтаа эхэлсэн билээ. Утаа, тоос нь нийлээд 100 орчим грамм болох бөгөөд үүн дээр шавар нэмж, тоосгыг хийснээр энгийн бусад тоосгоноос ялгарах зүйл байхгүй болсон гэдгийг тэрээр ярьсан байна. Утаа, тоос гэдэг бол зүгээр бэлгэ тэмдэг төдий зүйл аж. Тэрээр эдгээр тоосгыг барилгын компаниудад өгөх гэнэ.