​Зарим улс орнууд дэлхийн гайхамшигт үзүүлэнг эх орондоо хуулбарлах болсон. Тэдгээрийн нэг Хятад улс сүүлийн хэдэн жил Пума брэндийн гутал, гар утас зэргийн дууриамалийг урлаж байгаа. Одоогоор тус улсын иргэд эх орноосоо гаралгүйгээр Лондон хотын алдарт “Tower Bridge”, Египетийн “Сфинкс”, Парисын “Луврын музей”, Ватиканы “Гэгээн Петрийн сүм”, Сиднейн “Дуурийн театр” зэргийг харж болох дурсгалт газруудыг бүтээжээ.

Дээрх үзмэрүүдээс гадна бас нэгэн хуулбарыг Шижиажуан хотод хийж байна. Энэхүү өвөрмөц барилга нь нэг биш хоёр үзмэр юм. Тус байгууламжийн тал нь Бээжингийн Тэнгэрийн ариун сүмийн хуулбар бол нөгөөх шохойдсон хэсэг нь АНУ-ын “Capitol” барилгын хуулбар ажээ. Уг эрлийз барилгыг үзэх гэсэн зочид аль хэдийнээ төвлөрч, интернетэд олон мянган сэтгэгдэлтэй болоод байна.