Сүхбаатар дүүргийн 11 дүгээр хороо буюу "Зуун айл" орчимд байрлах Барилгын материалын бөөний төвд өнөө өглөө гал гарлаа. 

Галыг Нийслэлийн Онцгой байдлын гал унтраах хоёр алба 09:05 цагт ирж, 09:20 цаг гэхэд галын тархалтыг зогсоосон байна. Дээрх бөөний төв нь хоёр давхар байгууламж бөгөөд түүний ойр орчмоор явсан иргэд галын дуудлагыг анх өгчээ. Галын шалтгааныг тогтоохоор шинжээчид ажиллаж байна.

Одоогийн байдлаар "Зуун айл"-ын замын урдаасаа хойших хөдөлгөөнийг түр хязгаарласан байна.