Өмнөд Солонгосын Үндэсний Экологийн хүрээлэнгээс байгалийн дархан цаазат газарт зориулан өвөрмөц төлөвлөлтийг гаргажээ. “SAMOO” архитектурын компанийн зохион бүтээсэн энэхүү “Экориум Төсөл” нь 33,000 ам метр талбай бүхий газрыг эзэлсэн асар том бүтээн байгуулалтын ажил юм.

     Эко байшин, ногоон барилга, усны нөөц сан болон боловсролын төв зэрэг байгууламжуудыг багтаасан уг “Экориум Төсөл”-ийг байгаль дэлхийн экосистем болон тэдгээрийг хэрхэн хамгаалж болох талаар хүүхэд, залууст боловсрол олгох, тэднийг хүрээлэн буй орчноо хайрлах сэтгэлтэй болгох үүднээс ийнхүү бүтээн байгуулалтыг хийхээр болжээ.

     “Өмнөд Солонгос улсын Үндэсний Экологийн Хүрээлэн нь экосистем, хүн, цаг уур, тэнцвэрт байдлыг судалж,  тулгамдсан сөрөг асуудлуудтай тэмцэх зэргээр олон талын судалгаа хийхийг зорьсон. Манай байгууллага цаашид энэ чиглэлээр судалгаа хийх, бодлого боловсруулахад голлох үүргийг гүйцэтгэж ажиллана” хэмээн төслийг хэрэгжүүлэгч “Samoo” компанийн төлөөлөгч мэдэгдсэн байна.