Бид гадаад руу аялалдаа сахлын хутга, утас, таблет, зөөврийн компьютер, электрон ном, камер, MP3 тоглуулагч гээд цэнэглэх шаардлагатай электрон багаж төхөөрөмжүүд авч явдаг. Харин улс орон болгоны цахилгааны систем янз бүр байдаг. Цахилгаан разетка, хүчдэл, цахилгаан гүйдлийн систем нь өөр өөр стандарттай. Зөөврийн компьютер, цэнэглэгч, хөдөлгөөнт төхөөрөмж, видео камер, зургийн аппарат зэрэг электрон төхөөрөмжүүдийн тухайд дийлэнх нь 100-240 вольттой, 50 эсвэл 60 Гц-ийн давтамжтай ажилладаг. Иймд та гадаад руу аялахдаа тухайн улс орны эрчим хүчний шугам системийн тухай урьдчилан мэдэж, төхөөрөмжөө цэнэглэх хувиргагч авч явах хэрэгтэй.
 
Улс орон бүрт разетканы стандарт өөр өөр байна.

/Разетканы стандарт оролт/

 
Төрөл A - Америкийн цахилгаан разетка юм. Энэ нь бие биетэйгээ хоёр хавтгай паралель байрлалтай. 110 В хүчдэлтэй уг разеткыг Японд ялангуяа АНУ, Канад, Мексик, Венесуэл, Хойд Гватемал ба Төв Америкт ихэвчлэн хэрэглэж байна.

Төрөл B - Энэ нь ижил холбогч бөгөөд нэмэлт дугуй шонтой байна. Үүнийг А төрөлтэй адил улс орнуудад ихэвчлэн хэрэглэдэг.
 

Төрөл C - Европын разетка. Хоёр дугуй хэлбэртэй шон зэрэгцээ байрлалтай. МОНГОЛ, Их Британи, Ирланд, Мальта, Кипр бусад Европын улс орон болон АНУ-д хамгийн түгээмэл ашиглана. Хүчдэл 220 В.
 

Төрөл D - Хуучин Британийн стандарт гурван шатлалт разетка юм. Ихэвчлэн Энэтхэг, Балба, Намиби, Шри Ланкад ашиглаж байна.
 

Төрөл E - Хоёр дугуй голтой бөгөөд ханан дахь разетка нэг шонтой байна. Франц, Бельги Польш улсад ашигладаг.
 

Төрөл F - Энэ стандарт нь Е төрөлтэй ижил байна. Харин хоёр талдаа төмөр хавчтайгаараа өөр юм. Энэ төрлийн разеткыг Герман, Австри, Нидерланд, Норвеги, Швед зэрэг улсад ашиглана.
 

Төрөл G - Англиас гаралтай гурван шатлалт бүхий разетка. Одоогоор Малайз, Сингапур, Гонкгонг, Их Британи, Ирланд, Мальта болон Кипр улсад ашиглаж байна.
 

Төрөл H - Зөвхөн Израйлийн газын зурваст ашиглаж болно. 220 В-ын хүчдэлтэй.
 

Төрөл I - Энэ төрлийн стандарт нь Австралиас гаралтай. Одоогоор Австрали, Шинэ Зеланд, Шинэ Гвиней, Аргентинд ашиглаж байна.
 

Төрөл J - Швейцарийн разетка юм. Лихтенштейн, Этиоп, Руанда, Мальдивын Швейцарьт ашиглаж байна.

Төрөл K – Дани улсын стандарт. Энэ нь В төрөлтэй төстэй боловч нэмэлт холбогч нь доод талдаа байрлалтай. Бангладеш, Сенегал, Мальдив, Дани, Гренландын үндсэн стандарт юм.

Төрөл L - Италийн разетка юм. Итали, Чили, Этиоп, Тунис, Куба улсад ашиглана.

Төрөл M – Гурван дугуй голтой Африк улсын разетка юм. Энэхүү холбогч нь D төрлийн разеткатай харьцуулахад илүү зузаан голтой байна. Өмнөд Африк, Свазиланд ба Лесотод хэрэглэдэг.