Манай улсад сүүлийн жилүүдэд барилга байгууламжийн цахилгаан монтажны асуудал иргэдийн бухимдалыг багагүй хүргэх болсон. Иймд Улсын комиссд барилга, байгууламжаа хүлээлгэн өгөхөд анхаарах зүйл болон цахилгааны асуудлын талаар Нийслэлийн Ерөнхий Төлөвлөгөөний Газрын мэргэжилтэн Т.Оргил-Эрдэнээс тодрууллаа. 
 

Гол мөрдөх стандарт норм дүрэм бол Түлш эрчим хүчний сайдын 2006 оны 11 дүгээр сарын 13 ны өдрийн 104 дүгээр тушаалын 2 дугаар хавсралтаар батлагдсан цахилгаан байгууламжийн дүрэм / БД 43-101-03 / мөн БХБ-ын сайдын 2007 оны 58 дугаар тушаалаар батлагдсан Орон сууц, олон нийтийн барилгын цахилгаан төхөөрөмжийг төсөллөх ба угсрах /бд 43-102-07/ гэсэн дүрмийг барьж ажилладаг.      
                                                                                

Хамгийн түрүүнд тухайн барилгын батлагдсан ажлын /магадлал хийгдсэн буюу экспертиз хийгдсэн/ зураг болон холбогдох техникийн нөхцөлийг үздэг. Ихэвчлэн компаниуд барилгын ачааллыг дутуу тооцсон буюу барилгын хэрэглээгээ бүрэн тооцолгүй цахилгаан техникийн нөхцөл авсан байдаг. Энэ нь эргээд тухайн барилга бүрэн ашиглалтад орсоны дараа цахилгааны дэд станц нь ачааллаа даахгүй байх хүндрэл гарч байна. Тиймээс барилгын дотор цахилгааны ажил бүрэн хийгдсэний дараа ачаалалдаа тааруулж хангагч байгууллагуудаас техникийн нөхцөл авах нь зүйтэй юм. Мөн батлагдсан зургийн дагуу Ерөнхий оролтын самбар, хуваарилах самбар болон давхарын самбар, айлын самбарын угсралт хийгдсэн эсэхийг тулгаж үздэг. Зарим тохиолдолд дээрх ажлуудад өөрчлөлт ордог л доо. Ийм тохиолдолд зургийг зохиогч автортай зөвшилцсөн байх шаардлагатай. Бас хамгийн гол зүйл нь ашиглалтын шаардлага хангах чанартай материал ашигласан эсэх нь чухал юм. Заримдаа чанарын шаардлага хангахгүй материалаар хийгдсэн, зураг төслөөс өөрөөр хийгдсэн ажлыг дахин бүрэн засуулах мэргэжлийн байгууллагуудаас акт тогтоолгож, засуулах ажил гардаг. Хамгийн гол нь хэрэглэгчдийн шаардлагыг бүрэн хангасан байх, галын болон бусад эрсдэлийг гаргахгүй байх нь чухал юм.
 

Ариун цэврийн болон угаалгын өрөөнд разетка тавигдах нь зайлшгүй шаардлагатай л даа. Энэ дохиолдолд ус чийгний хамгаалалттай зориулалтын розетик болон дифференциал автомат таслуурыг тавих шаардлагатай.
 

Засгийн газрын 2012 оны 151 дүгээр тогтоолоор Барилгын ажлыг эхлүүлэх, үргэлжлүүлэх, ашиглалтад оруулах дүрмийг батлаж өгсөн. Уг тотоолын 4 дүгээр хавсралтаар барилга, байгууламжийг ашиглалтад оруулахын өмнө бүрдүүлсэн байх бичиг баримтын жагсаалтыг тодорхой заасан байгаа. Үүнд:
 

         -Барилгын ажлыг эхлүүлэх, үргэлжүүлэх зөвшөөрөл,

         -Зураг төслийн байгууллагаар гаргуулсан зохиогчийн нэгдсэн дүгнэлт,

       -Барилгын тухай хуулийн 12.4-т заасны дагуу барилга байгууламжийг ашиглалтад хүлээн авснаас хойш түүний чанар, аюулгүй байдлыг барилгын гүйцэтгэгч байгууллага нь тогтоосон хугацаанд бүрэн хариуцах талаарх баталгаа,

        -Захиалагч, зохиогч, гүйцэтгэгч байгуулагууд барилга, байгууламжийн угсралт, тоног төхөөрөмжийн ажлын чанарыг хамтран шалгасан гүйцэтгэлийн акт (УББ 12-01-01),

       -Ил, далд ажлын бүрдүүлэх акт, техникийн бичиг, баримтыг бүрдүүлсэн байх ёстой. Мөн тогтоолын хасвралтаар ил, далд ажлын актын жагсаалтыг гаргасан байгаа.