Олон улсын цементийн химичдийн 14-р их хурал буюу цемент бетоны хөгжлийн шинэ зууны чиг хандлага
Олон улсын цементийн химичдийн 14-р их хурал /International Congress on the Chemistry of Cement (ICCC14)/ БНХАУ-ын нийслэл Бээжин хотод “Хятадын Барилгын Материалын Академи”, “Хятадын Керамикийн Нийгэмлэг”-ээс аравдугаар сарын 13-16-ны өдрүүдэд амжилттай зохион байгуулагдсан.
Тус хурлыг анх 1918 онд Лондон хотноо зохион байгуулагдснаас хойш өнөөг хүртэл дэлхий дахины цемент болон бетоны шинжлэх ухаан, технологийн хамтын ажиллагааг дэмжих, мэдээлэл харилцан солилцоход хамгийн үр өгөөжтэй үйл ажиллагаа болтлоо өргөжин хөгжжээ.
Энэ удаагийн 14-р их хурлыг нээж, Хятадын Барилгын Материалын Холбооны Ерөнхийлөгч Yongmo Xu баяр хүргэн, тус их хурлын ач холбогдол, дэлхий дахины хөгжил, бүтээн байгуулалтад оруулсан хувь нэмрийг өндрөөр үнэлж, үндсэн илтгэлүүдийг нээж, олон улсын цементийн химичдийн их хуралд амжилт хүсэв. Хурлын эхний өдрийн үндсэн илтгэлд:
- Английн Абердины Их Сургуулийн профессор Фред Глазер, “Цементийн үйлдвэрлэл болон хэрэглээний хүрээлэн буй орчинд үзүүлж буй хүчин зүйл”,
- Германы Цемент Үйлдвэрлэгчдийн Нийгэмлэг (VDZ)-ийн гүйцэтгэх захирал Д-р Мартин Шнайдер, “Бүтээмжтэй болон тогтвортой цементийн бүтээгдэхүүний технологийн процесс”,
- Германы Ваймер муж, Браухаус Их сургуулийн профессор Хорст-Михаэл Людвиг, Вэншэн Жанн, БНХАУ-ын Барилгын Материалын Академийн Ногоон Барилгын Материалын Цөм Лаборатори, “Цементийн чулуунцарын химийн судалгааны тойм”,
- Щвейцарийн Луйсанагийн холбооны Политехникийн сургуулийн профессор Кэрин Л. Шривинер, АНУ—ын Беркей дахь Калифорнийн Их Сургуулийн профессор Пауло Монтейро нар “Портландцементийн Гидратжилтын тухай ойлголт дахь дэвшлүүд” сэдвээр тус тус сонирхолтой сайхан илтгэл тавьсан юм.
Хуралд цементийн хими, микробүтэц, цемент болон бетоны элэгдэл тэсвэрлэх чанарын ойлголтуудын талаар маш их ач холбогдол бүхий олон илтгэлүүд хэлэлцсэн бөгөөд цемент бетоны үйлдвэрлэлийн явц дахь СО2-ын ялгарлыг бууруулах, хүндрэлийг даван туулах, бетоны ашиглалтын хугацааг нэмэгдүүлэх талаар шинэ арга замуудыг хэлэлцэв.
Цемент, бетон нь хүрээлэн буй орчны хүндрэлүүдийг зөв оновчтой даван туулахад дэмжигдэх үр нөлөө, нааштай үр дүн бүхий хүлээн зөвшөөрөгдсөн барилгын материал юм. Хурал дараах долоон үндсэн салбар чуулгааар хуралдлаа.
1. Чулуунцарын хими
2. Портландцементийн гидратжилт
3. Цементийн нэмэлт материалууд
4. Химийн нэмэлтүүд ба реологи
5. Элэгдэлд тэсвэртэй чанар ба ашиглалтын насжилтыг урьдчилан тодорхойлох
6. Альтернатив холбогчид
7. Стандарт ба нууцлал-хууль дүрмүүд сэдвээр 43 орноос 703 илтгэл, бүтээл тус тус ирүүлж, нийт 1468 төлөөлөгчид албан ёсны бүртгэлтэйгээр оролцов.
Манай улсаас Монгол Улсын Их Сургуулийн Хэрэглээний Шинжлэх Ухааны Сургуулийн харъяа Шинэ Материалын Төвийн эрдэмтэн, Шинжлэх ухааны тэргүүлэх ажилтан, доктор, дэд проф Ц.Эрдэнэбат болон тус төвийн захирлаар ажиллаж байсан ХШУ-ы доктор, проф. Р.Санжаасүрэн нар “Цементийн нэмэлт материалууд”, “Усан орчинд тэсвэртэй цементийн коллоид системийн талстжилтын судалгаа” сэдвээр илтгэл тавив.
Дашрамд дурьдхад, судалгааны ажлыг дээрх эрдэмтэд Хөтөлийн Цемент-Шохой ХХК-ийн удирдлагуудтай байгуулсан Монгол Улсын Их Сургуулийн Шинэ Материалын Төв болон Хөтөл ЦШК-ийн хамтын ажиллагааны санамж бичгийн хүрээнд уул уурхайн хаягдал бүтээгдэхүүнийг цементийн эрдсийн нэмэлтээр хэрхэн хэрэглэж болох талаар туршилт хийн, үр дүнг харьцуулан хамтарч ажилласан аж.
МУИС-ийн ХШУС-ийн харъяа Шинэ Материалын Төвийн ЭШТА, Доктор, дэд проф Ц.Эрдэнэбат ба Английн Абердины Их Сургуулийн профессор Фред Глазер нар
Цемент, бетон нь хүрээлэн буй орчны хүндрэлүүдийг зөв оновчтой даван туулахад дэмжигдэх үр нөлөө, нааштай үр дүн бүхий хүлээн зөвшөөрөгдсөн барилгын материал юм. Хурал дараах долоон үндсэн салбар чуулгааар хуралдлаа.
1. Чулуунцарын хими
2. Портландцементийн гидратжилт
3. Цементийн нэмэлт материалууд
4. Химийн нэмэлтүүд ба реологи
5. Элэгдэлд тэсвэртэй чанар ба ашиглалтын насжилтыг урьдчилан тодорхойлох
6. Альтернатив холбогчид
7. Стандарт ба нууцлал-хууль дүрмүүд сэдвээр 43 орноос 703 илтгэл, бүтээл тус тус ирүүлж, нийт 1468 төлөөлөгчид албан ёсны бүртгэлтэйгээр оролцов.
Манай улсаас Монгол Улсын Их Сургуулийн Хэрэглээний Шинжлэх Ухааны Сургуулийн харъяа Шинэ Материалын Төвийн эрдэмтэн, Шинжлэх ухааны тэргүүлэх ажилтан, доктор, дэд проф Ц.Эрдэнэбат болон тус төвийн захирлаар ажиллаж байсан ХШУ-ы доктор, проф. Р.Санжаасүрэн нар “Цементийн нэмэлт материалууд”, “Усан орчинд тэсвэртэй цементийн коллоид системийн талстжилтын судалгаа” сэдвээр илтгэл тавив.
Дашрамд дурьдхад, судалгааны ажлыг дээрх эрдэмтэд Хөтөлийн Цемент-Шохой ХХК-ийн удирдлагуудтай байгуулсан Монгол Улсын Их Сургуулийн Шинэ Материалын Төв болон Хөтөл ЦШК-ийн хамтын ажиллагааны санамж бичгийн хүрээнд уул уурхайн хаягдал бүтээгдэхүүнийг цементийн эрдсийн нэмэлтээр хэрхэн хэрэглэж болох талаар туршилт хийн, үр дүнг харьцуулан хамтарч ажилласан аж.
МУИС-ийн ХШУС-ийн харъяа Шинэ Материалын Төвийн ЭШТА, Доктор, дэд проф Ц.Эрдэнэбат ба Английн Абердины Их Сургуулийн профессор Фред Глазер нар