Тэтгэврийн сангийн эх үүсвэрээр ипотекийн санхүүжилтийг үргэлжлүүлэхээр хэлэлцжээ
УИХ-ын Пүрэв гаригийн үдээс хойш хийсэн нэгдсэн хуралдаанаар Ирээдүйн тэтгэврийн нөөц сангийн тухай хуулийн төслийг хэлэлцэн, гишүүдийн 78 хувийн саналаар дэмжиж, анхны хэлэлцүүлэгт бэлтгүүлэхээр Нийгмийн бодлого, боловсрол, соёл, шинжлэх ухааны байнгын хороонд шилжүүлжээ. 2030 оноос эхлэн манай улсын хүн ам насжиж, ахмад настнуудын эзлэх хувь нэмэгдсэнээр тэтгэврийн одоогийн шимтгэлийн орлогоороо тэтгвэрийн зардлаа санхүүжүүлдэг хуваарилалтын тогтолцоо үйлчилж даахгүй байх нөхцөл үүснэ гэж таамаглаж байгаа аж.
Дундаж наслалт нэмэгдэн, тэтгэвэр тэтгэмж авагчдын тоо өссөнөөр 2013 онд 4 байсан 10 даатгуулагчид ногдох тэтгэвэр авагчийн тооны харьцаа 2030 онд 7, цаашид 9 болтлоо нэмэгдэхээр байгаа юм. Тиймээс тэтгэврийн даатгалын тогтолцоонд өөрчлөлт оруулахгүй бол тэтгэврийн сангийн алдагдал 2020 онд ДНБ-ний 4,5 хувь, 2030 онд 7 хувь, цааашид урт хугацаанд 12 хувь болох төлөвтэй байгаа учир тэтгэврийн даатгалын сангийн алдагдлыг бууруулж, амьжиргаанд хангалттай хүрэлцэхүйц тэтгэвэр олгох боломжийг бүрдүүлэхээр “Төрөөс тэтгэврийн шинэчлэлийн талаар баримтлах бодлого /2015-2030/”-ын баримт бичгийг УИХ батлан гаргасан.
Тус бодлогод "2030 оноос тэтгэврийн даатгалын шимтгэлийг хэсэгчлэн хагас хуримтлалын тогтолцоонд, цаашид бүрэн хуримтлалын тогтолцоонд шилжүүлэхээр тусгажээ. Үүний тулд Тэтгэврийн нөөц сан байгуулахаар заасан. Тэтгэврийн зардлын зарим хэсгийг хөрөнгө оруулалтын хөрөнгө оруулалтын ашгаас санхүүжүүлж, хуримтлал үүсгэх байдлаар ирээдүйн даатгуулагчид тулгарах ачааллыг хөнгөлнө гэж үзсэн байна.
Ингэхдээ ирээдүйн тэтгэврийн нөөц сангийн хөрөнгөөр орон сууцны ипотекийн зээлээр баталгаажсан үнэт цаасыг худалдан авч, иргэдэд орон сууцны ипотекийн зээлийн урьдчилгаа төлбөрийн хөнгөлөлт үзүүлэн санхүүжилтийг тогтвортой үргэлжлүүлэх боломжтой гэжээ. Орон сууцны ипотекийн зээлд 17 мянга гаруй өрхийг хамруулах, жижиг, дунд үйлдвэрлэлийг дэмжих зорилгоор бизнесийн ипотекийн зээл олгож тогтвортой ажлын байр бий болгоно гэж Засгийн газар үзэж, төсөлдөө тусгасныг УИХ-ын гишүүд хэлэлцэхээр дэмжиж, анхны хэлэлцүүлэгт бэлтгүүлэхээр Байнгын хороонд шилжүүлсэн байна.
Дундаж наслалт нэмэгдэн, тэтгэвэр тэтгэмж авагчдын тоо өссөнөөр 2013 онд 4 байсан 10 даатгуулагчид ногдох тэтгэвэр авагчийн тооны харьцаа 2030 онд 7, цаашид 9 болтлоо нэмэгдэхээр байгаа юм. Тиймээс тэтгэврийн даатгалын тогтолцоонд өөрчлөлт оруулахгүй бол тэтгэврийн сангийн алдагдал 2020 онд ДНБ-ний 4,5 хувь, 2030 онд 7 хувь, цааашид урт хугацаанд 12 хувь болох төлөвтэй байгаа учир тэтгэврийн даатгалын сангийн алдагдлыг бууруулж, амьжиргаанд хангалттай хүрэлцэхүйц тэтгэвэр олгох боломжийг бүрдүүлэхээр “Төрөөс тэтгэврийн шинэчлэлийн талаар баримтлах бодлого /2015-2030/”-ын баримт бичгийг УИХ батлан гаргасан.
Тус бодлогод "2030 оноос тэтгэврийн даатгалын шимтгэлийг хэсэгчлэн хагас хуримтлалын тогтолцоонд, цаашид бүрэн хуримтлалын тогтолцоонд шилжүүлэхээр тусгажээ. Үүний тулд Тэтгэврийн нөөц сан байгуулахаар заасан. Тэтгэврийн зардлын зарим хэсгийг хөрөнгө оруулалтын хөрөнгө оруулалтын ашгаас санхүүжүүлж, хуримтлал үүсгэх байдлаар ирээдүйн даатгуулагчид тулгарах ачааллыг хөнгөлнө гэж үзсэн байна.
Ингэхдээ ирээдүйн тэтгэврийн нөөц сангийн хөрөнгөөр орон сууцны ипотекийн зээлээр баталгаажсан үнэт цаасыг худалдан авч, иргэдэд орон сууцны ипотекийн зээлийн урьдчилгаа төлбөрийн хөнгөлөлт үзүүлэн санхүүжилтийг тогтвортой үргэлжлүүлэх боломжтой гэжээ. Орон сууцны ипотекийн зээлд 17 мянга гаруй өрхийг хамруулах, жижиг, дунд үйлдвэрлэлийг дэмжих зорилгоор бизнесийн ипотекийн зээл олгож тогтвортой ажлын байр бий болгоно гэж Засгийн газар үзэж, төсөлдөө тусгасныг УИХ-ын гишүүд хэлэлцэхээр дэмжиж, анхны хэлэлцүүлэгт бэлтгүүлэхээр Байнгын хороонд шилжүүлсэн байна.