Оффис ашиглалтын зардлаараа Бээжин, Хонконг, Лондон хот тэргүүлдэг
“CBRE” байгууллагаас Олон улсын оффис ашиглалтын зардлыг судалж, хагас жилийн тойм мэдээллийг гаргажээ. Лондонгийн Вест Инд дүүрэг дэлхийн хамгийн өндөр өртөгтэй оффисийн зах зээлээр хоёр дахь жилдээ шалгарсан бол Хонконгийн Сентрал болон Вест Коулун гудамж, Бээжингийн Санхүүгийн болон Бизнесийн төв дүүрэг удаалжээ.
Лондонгийн энэ дүүрэгт оффисийн талбайн 0,09 ам метр тутмын жилийн дундаж зардал 273 ам.доллар байсан нь ийнхүү жагсаалтыг дахин тэргүүлэхэд хүргэжээ. Түүний дараа Хонконгийн Сентрал дүүрэг 269 ам.доллараар удаалж, Бээжингийн Санхүүгийн гудамж 191 ам.доллар, Бизнесийн төв дүүрэг 183 ам.доллар, Хонконгийн Вест Коулун дүүрэг 162 ам.доллараар хамгийн өндөр үнэтэй оффисийн зардал бүхий хотуудын эхний таван байрт багтсан байна.
Дэлхийн эдийн засаг сэргэж, энэ нь бизнес, үйлчилгээний салбаруудад эерэг нөлөөг үзүүлснээр үл хөдлөх хөрөнгийн эрэлт тодорхой хэмжээгээр нэмэгдсэн байна. Ингэснээр олон улсын хэмжээнд түрээс, орон нутгийн нэмэлт татвар, шимтгэлийг тусгасан ашиглалтын жилийн зардал 2,4 хувиар өсчээ.
Харин Америк тивийн орнуудад оффисийн ажиллах хүчний тоо нэмэгдсэн нь арилжааны үл хөдлөх хөрөнгийн эргэлтийг сайжруулснаар оффис ашиглалтын зардал нь жилийн өмнөхөөс 3,1 хувиар өссөн аж. Өнгөрсөн нэг жилийн хугацаанд Ази Номхон далайн орнуудад оффис ашиглалтын зардал 1,9 хувь, Европ, Ойрх Дорнод ба Африкийн орнуудад 2,2 хувиар өсчээ.
“CBRE” байгууллагын олон улсын ахлах эдийн засагч Ричард Бархэм ярихдаа “Сүүлийн дөрвөн жилийн хугацаанд дэлхийн хэмжээнд үйлчилгээний салбар сайжирсан нь оффисийн түрээсийн үнэ, зардал өсөхөд голлох нөлөөг үзүүллээ. Зарим зах зээлийн байдал Хятадын эдийн засгийн сулрал, газрын тос ба түүхий эдийн үнэ ханш буурсан зэрэг таагүй нөлөөллөөс үл хамааран 2016 ба 2017 онд оффис ашиглалтын зардал 2-3 хувиар өснө гэж таамаглаж байгаа” гэсэн юм.
Тус байгууллага нь оффис ашиглалтын зардлыг эрэмбэлэн гаргахдаа дэлхийн 126 орны зах зээлд дүн шинжилгээ хийж үзжээ. Ингэхдээ хамгийн өндөр зардалтай 50 орныг жагсааснаас 19 нь Европ, Ойрх Дорнод ба Африк, 20 нь Ази Номхон далай, 11 нь Америк тивийн орнуудад байжээ.
Бүс нутгийн эдийн засаг буюу Европын зах зээлийн 65 хувь нь сайжирч буйтай холбоотойгоор 33 зах зээлд нь оффис ашиглалтын зардал өссөн дүн гарчээ. Ялангуяа евро бүстээ амьжиргааны өртөг багатайд тооцогддог Прага, Варшав, Бухарест, Белград хотуудад үйлдвэрлэл, үйлчилгээний салбарын үйл ажиллагаа ахицтай байснаар оффисийн эрэлт өндөр байсан аж. Мөн Их Британийн Манчестер, Лидс, Ливерпүүл, Саутхэмптон, Белфаст хотуудад оффисийн эрэлт ба нийлүүлэлт тэнцвэртэй байснаар түрээсийн үнэ, ашиглалтын зардал эрс нэмэгджээ.
Оффис ашиглалтын зардлаар дэлхийд хамгийн өндөр үнэтэйд тооцогдох 10 зах зээлийн долоог нь Хонконг, Бээжин, Шинэ Дели, Токио, Шанхай зэрэг Ази Номхон Далайн хотууд эзэлж байна. Шанхайн Пудонг дүүрэг топ 10 зах зээлийн 9-р байрнаас дээшилж, 7-рт эрэмбэлэгджээ. Хятадын эдийн засгийн өсөлт удаашралтай байгаагаас үл хамааран, санхүүгийн пүүсүүдийн үйл ажиллагаа идэвхтэй байгаагаас тус дүүрэгт оффисийн эрэлт өндөр хэвээр байна.
Лондонгийн Вест Инд дүүргийг эс тооцвол оффисийн 0,09 ам метр тутмын ашиглалтын зардал нь 200 ам.долларт хүрээд буй Хонконгийн Сентрал дүүрэг хамгийн үнэтэй зах зээл болно. Гадаадын санхүүгийн үйлчилгээ эрхэлдэг компаниуд оффисийн өндөр зардлыг нь эсэргүүцдэг ч, энд орон зайг хайсаар байдаг.
Нью-Йоркийн төв хэсгийн байршил нь оффисийн зардлаараа бүс нутагтаа тэргүүлж байна. Энд оффис ашиглалтын зардал 0,09 ам метр тутамд 127 ам.доллар аж. Энэ бүс нутгийн хотуудад ашиглалтын зардал жилийн өмнөхөөс 17,3 хувиар өссөн ба цаашид ч нэмэгдэх хандлагатай байгаа аж.
АНУ-д оффисийн зах зээл сэргэж, эрэлт сайжирснаар Вашингтон, Сеаттл, Сан-Франциско, Атланта хотуудад оффис ашиглалтын зардал хамгийн өндөр байгаа юм. Харин Латин Америкт Лима, Монтерри, Буэнос-Айрес, Мехико хотуудад өсөлт хэвийн үргэлжилжээ.
Лондонгийн энэ дүүрэгт оффисийн талбайн 0,09 ам метр тутмын жилийн дундаж зардал 273 ам.доллар байсан нь ийнхүү жагсаалтыг дахин тэргүүлэхэд хүргэжээ. Түүний дараа Хонконгийн Сентрал дүүрэг 269 ам.доллараар удаалж, Бээжингийн Санхүүгийн гудамж 191 ам.доллар, Бизнесийн төв дүүрэг 183 ам.доллар, Хонконгийн Вест Коулун дүүрэг 162 ам.доллараар хамгийн өндөр үнэтэй оффисийн зардал бүхий хотуудын эхний таван байрт багтсан байна.
Дэлхийн эдийн засаг сэргэж, энэ нь бизнес, үйлчилгээний салбаруудад эерэг нөлөөг үзүүлснээр үл хөдлөх хөрөнгийн эрэлт тодорхой хэмжээгээр нэмэгдсэн байна. Ингэснээр олон улсын хэмжээнд түрээс, орон нутгийн нэмэлт татвар, шимтгэлийг тусгасан ашиглалтын жилийн зардал 2,4 хувиар өсчээ.
Харин Америк тивийн орнуудад оффисийн ажиллах хүчний тоо нэмэгдсэн нь арилжааны үл хөдлөх хөрөнгийн эргэлтийг сайжруулснаар оффис ашиглалтын зардал нь жилийн өмнөхөөс 3,1 хувиар өссөн аж. Өнгөрсөн нэг жилийн хугацаанд Ази Номхон далайн орнуудад оффис ашиглалтын зардал 1,9 хувь, Европ, Ойрх Дорнод ба Африкийн орнуудад 2,2 хувиар өсчээ.
“CBRE” байгууллагын олон улсын ахлах эдийн засагч Ричард Бархэм ярихдаа “Сүүлийн дөрвөн жилийн хугацаанд дэлхийн хэмжээнд үйлчилгээний салбар сайжирсан нь оффисийн түрээсийн үнэ, зардал өсөхөд голлох нөлөөг үзүүллээ. Зарим зах зээлийн байдал Хятадын эдийн засгийн сулрал, газрын тос ба түүхий эдийн үнэ ханш буурсан зэрэг таагүй нөлөөллөөс үл хамааран 2016 ба 2017 онд оффис ашиглалтын зардал 2-3 хувиар өснө гэж таамаглаж байгаа” гэсэн юм.
Тус байгууллага нь оффис ашиглалтын зардлыг эрэмбэлэн гаргахдаа дэлхийн 126 орны зах зээлд дүн шинжилгээ хийж үзжээ. Ингэхдээ хамгийн өндөр зардалтай 50 орныг жагсааснаас 19 нь Европ, Ойрх Дорнод ба Африк, 20 нь Ази Номхон далай, 11 нь Америк тивийн орнуудад байжээ.
Европ, Ойрх Дорнод ба Африкийн орнууд
Бүс нутгийн эдийн засаг буюу Европын зах зээлийн 65 хувь нь сайжирч буйтай холбоотойгоор 33 зах зээлд нь оффис ашиглалтын зардал өссөн дүн гарчээ. Ялангуяа евро бүстээ амьжиргааны өртөг багатайд тооцогддог Прага, Варшав, Бухарест, Белград хотуудад үйлдвэрлэл, үйлчилгээний салбарын үйл ажиллагаа ахицтай байснаар оффисийн эрэлт өндөр байсан аж. Мөн Их Британийн Манчестер, Лидс, Ливерпүүл, Саутхэмптон, Белфаст хотуудад оффисийн эрэлт ба нийлүүлэлт тэнцвэртэй байснаар түрээсийн үнэ, ашиглалтын зардал эрс нэмэгджээ.
Ази Номхон далайн орнууд
Оффис ашиглалтын зардлаар дэлхийд хамгийн өндөр үнэтэйд тооцогдох 10 зах зээлийн долоог нь Хонконг, Бээжин, Шинэ Дели, Токио, Шанхай зэрэг Ази Номхон Далайн хотууд эзэлж байна. Шанхайн Пудонг дүүрэг топ 10 зах зээлийн 9-р байрнаас дээшилж, 7-рт эрэмбэлэгджээ. Хятадын эдийн засгийн өсөлт удаашралтай байгаагаас үл хамааран, санхүүгийн пүүсүүдийн үйл ажиллагаа идэвхтэй байгаагаас тус дүүрэгт оффисийн эрэлт өндөр хэвээр байна.
Лондонгийн Вест Инд дүүргийг эс тооцвол оффисийн 0,09 ам метр тутмын ашиглалтын зардал нь 200 ам.долларт хүрээд буй Хонконгийн Сентрал дүүрэг хамгийн үнэтэй зах зээл болно. Гадаадын санхүүгийн үйлчилгээ эрхэлдэг компаниуд оффисийн өндөр зардлыг нь эсэргүүцдэг ч, энд орон зайг хайсаар байдаг.
Америк тивийн орнууд
Нью-Йоркийн төв хэсгийн байршил нь оффисийн зардлаараа бүс нутагтаа тэргүүлж байна. Энд оффис ашиглалтын зардал 0,09 ам метр тутамд 127 ам.доллар аж. Энэ бүс нутгийн хотуудад ашиглалтын зардал жилийн өмнөхөөс 17,3 хувиар өссөн ба цаашид ч нэмэгдэх хандлагатай байгаа аж.
АНУ-д оффисийн зах зээл сэргэж, эрэлт сайжирснаар Вашингтон, Сеаттл, Сан-Франциско, Атланта хотуудад оффис ашиглалтын зардал хамгийн өндөр байгаа юм. Харин Латин Америкт Лима, Монтерри, Буэнос-Айрес, Мехико хотуудад өсөлт хэвийн үргэлжилжээ.
| Оффис ашиглалтын зардлаараа тэргүүлэгч 10 зах зээл /0.09 ам метр ба жилээр/ |
||
| Түвшин | Зах зээл | Ашиглалтын зардал /$/ |
| 1 | Лондонгийн Сентрал Вест Инд дүүрэг /Их Британи/ | 272.56 |
| 2 | Хонконгийн Сентрал дүүрэг /Хонконг/ | 269.31 |
| 3 | Бээжингийн Санхүүгийн гудамж /Хятад/ | 190.99 |
| 4 | Бээжингийн Бизнесийн төв дүүрэг /Хятад/ | 182.92 |
| 5 | Хонконгийн Вест Коулун дүүрэг /Хонконг/ | 162.04 |
| 6 | Шинэ Делигийн Коннаут Плэйс дүүрэг /Энэтхэг/ | 151.27 |
| 7 | Токиогийн Маруноучи Отемачи дүүрэг /Япон/ | 149.04 |
| 8 | Лондонгийн Сентрал дүүрэг /Их Британи/ | 148.63 |
| 9 | Шанхайн Пудонг дүүрэг /Хятад/ | 134.86 |
| 10 | Нью-Йоркийн Манхэттан /АНУ/ | 127.00 |
| Оффис ашиглалтын зардал нь хамгийн их өссөн 5 зах зээл /Тухайн улсын мөнгөний нэгжээр тооцсон/ |
||
| Түвшин | Зах зээл | Өөрчлөлт /Хувиар/ |
| 1 | Сеаттл /АНУ/ | 17.3 |
| 2 | Белфаст /Их Британи/ | 15.2 |
| 3 | Дублин /Ирланд/ | 13.0 |
| 4 | Стокгольм /Швед/ | 12.1 |
| 5 | Манчестер /Их Британи/ | 9.4 |
|
Оффис ашиглалтын зардал нь хамгийн их буурсан 5 зах зээл
/Тухайн улсын мөнгөний нэгжээр тооцсон/
|
||
| Түвшин | Зах зээл | Өөрчлөлт /Хувиар/ |
| 1 | Москва /ОХУ/ | -23.9 |
| 2 | Калгари /Канад/ | -14.4 |
| 3 | Перт /Австрали/ | -9.1 |
| 4 | Ванковер /Канад/ | -7.9 |
| 5 | Хо Ши Мин /Вьетнам/ | -7.7 |