Ипотекийн зээлийн хүүг 5 хувь болгон бууруулах боломжтой
“Өдрийн сонин”-д өгсөн ярилцлагадаа “УИХ-аас ипотекийн найман хувийн асуудлыг энэ сард багтаан шийдвэрлэнэ” хэмээн мэдэгдэж байсан УИХ-ын дарга З.Энхболд, Монголбанкны ерөнхийлөгч Н.Золжаргал, Монголбанкны Хяналтын зөвлөлийн гишүүн Ж.Мөнхбат, Монголын Ипотекийн Корпорацийн захирал Д.Гантөгс нар хамтран дээрх асуудлаар мэдэгдэл хийж, сэтгүүлчдийн сонирхсон асуултад хариулт өглөө.
Мэдэгдэлд, ипотекийн зээлийг хэвийн үргэлжлүүлэх хууль эрхзүйн орчинг бүрдүүлэх ажлын явц, мөн жилийн 8 хувийн хүүг 5 болгон бууруулах боломж байгаа эсэх асуудлыг хөндсөн юм. “Буянт Ухаа 2” хорооллын нээлтийн ёслолд оролцох үеэрээ ипотекийн зээлийн хүүг бууруулах боломжтой хэмээн УИХ-ын дарга мэдэгдэж байсан бол, Монголбанкны ерөнхийлөгч үүнийг 5 хувиар тогтоох боломж бүрдсэнийг өнөөдөр мэдэгдсэн. Ингэснээр орон сууцны зээлд хамрагдах гэж буй иргэдээс өндөр орлого шаардахгүй, нөхцөл нь хөнгөрч байгаа гэдгийг тэрээр онцолсон юм.
Тухайлбал, ам метр нь 1,350 мянган төгрөгийн үнэтэй 60 ам метр талбайтай байр худалдан авах иргэн урьдчилгаа 30 хувиа төлсөн тохиолдолд сарын орлого нь нэг сая орчим төгрөг байх нөхцөлийг арилжааны банкуудаас тавих аж. Ийнхүү зээлийн хүү буурч, иргэдээс шаардах дундаж орлогын босго нь намссанаар илүү олон өрх айл орон сууцтай болох боломж бүрдэх юм байна.
Гэхдээ удтал яригдаж, иргэдийн дунд хүлээлт үүсгээд байсан орон сууцны зээлийн урьдчилгааг 10 хувь болгон бууруулах боломж байхгүй гэдгийг УИХ-ын дарга хэллээ. Харин урьдчилгаа 30 хувийн 10-ыг нь засгийн газраас батлан дааж болох эсэх талаар судалж байгаа аж. Ингэхийн тулд улсын төсвөөс 20 тэрбум төгрөгийн санхүүжилт хэрэгтэй гэнэ.
Ипотекийн 8 хувийн зээл олгох шийдвэрийг 2013 онд баталснаас хойш 78 мянга орчим иргэн зээлд хамрагдсанаас 40 мянга гаруй нь шинэ орон сууцтай болжээ. Мөн 18 хувийн хүү төлж байсан иргэд байрны зээлээ 8 хувьд шилжүүлсэн байна. УИХ-аас ипотекийн зээлийг түр зогсооход хүргэсэн Үндсэн хуулийн цэцийн 13 дугаар дүгнэлттэй холбоотой асуудлыг эцэслэн шийдвэрлэж, Цагаан сараас өмнө ипотекийн зээлийг хэвийн үргэлжлүүлэх нөхцөлийг бүрдүүлж, энэ сарын 8-ны өдөр хэд хэдэн гишүүн хуулийн төсөл өргөн барихаар төлөвлөжээ.
Мэдэгдэлд, ипотекийн зээлийг хэвийн үргэлжлүүлэх хууль эрхзүйн орчинг бүрдүүлэх ажлын явц, мөн жилийн 8 хувийн хүүг 5 болгон бууруулах боломж байгаа эсэх асуудлыг хөндсөн юм. “Буянт Ухаа 2” хорооллын нээлтийн ёслолд оролцох үеэрээ ипотекийн зээлийн хүүг бууруулах боломжтой хэмээн УИХ-ын дарга мэдэгдэж байсан бол, Монголбанкны ерөнхийлөгч үүнийг 5 хувиар тогтоох боломж бүрдсэнийг өнөөдөр мэдэгдсэн. Ингэснээр орон сууцны зээлд хамрагдах гэж буй иргэдээс өндөр орлого шаардахгүй, нөхцөл нь хөнгөрч байгаа гэдгийг тэрээр онцолсон юм.
Тухайлбал, ам метр нь 1,350 мянган төгрөгийн үнэтэй 60 ам метр талбайтай байр худалдан авах иргэн урьдчилгаа 30 хувиа төлсөн тохиолдолд сарын орлого нь нэг сая орчим төгрөг байх нөхцөлийг арилжааны банкуудаас тавих аж. Ийнхүү зээлийн хүү буурч, иргэдээс шаардах дундаж орлогын босго нь намссанаар илүү олон өрх айл орон сууцтай болох боломж бүрдэх юм байна.
Гэхдээ удтал яригдаж, иргэдийн дунд хүлээлт үүсгээд байсан орон сууцны зээлийн урьдчилгааг 10 хувь болгон бууруулах боломж байхгүй гэдгийг УИХ-ын дарга хэллээ. Харин урьдчилгаа 30 хувийн 10-ыг нь засгийн газраас батлан дааж болох эсэх талаар судалж байгаа аж. Ингэхийн тулд улсын төсвөөс 20 тэрбум төгрөгийн санхүүжилт хэрэгтэй гэнэ.
Ипотекийн 8 хувийн зээл олгох шийдвэрийг 2013 онд баталснаас хойш 78 мянга орчим иргэн зээлд хамрагдсанаас 40 мянга гаруй нь шинэ орон сууцтай болжээ. Мөн 18 хувийн хүү төлж байсан иргэд байрны зээлээ 8 хувьд шилжүүлсэн байна. УИХ-аас ипотекийн зээлийг түр зогсооход хүргэсэн Үндсэн хуулийн цэцийн 13 дугаар дүгнэлттэй холбоотой асуудлыг эцэслэн шийдвэрлэж, Цагаан сараас өмнө ипотекийн зээлийг хэвийн үргэлжлүүлэх нөхцөлийг бүрдүүлж, энэ сарын 8-ны өдөр хэд хэдэн гишүүн хуулийн төсөл өргөн барихаар төлөвлөжээ.