"Буянт-Ухаа 2" хорооллын эхний ээлжийн 30 барилгын 1620 айлын орон сууцны барилгыг энэ онд багтаан Улсын комиссд хүлээлгэн өгөхөөр ажиллаж байгаа. Харин уг хороолол руу цахилгаан дамжуулах дэд станцын засварын ажил удааширч байгаагаас ашиглалтад орох хугацаа хойшилж магадгүй гэх мэдээлэл гараад байсан юм. Энэхүү асуудлыг шийдэж эхний ээлжийн 1620 айлын орон сууцыг энэ жилд багтаан ашиглалтад оруулах төлөвлөгөөтэй ажиллаж байгааг захиалагч тал болох Төрийн орон сууцны корпорациас мэдээлэв.

Энэ жилийн хувьд нэгдүгээр секцийн 48 орон сууцны барилга, 240 хүүхдийн цэцэрлэгийн барилга ашиглалтад орно. Харин хоёрдугаар секцийн 12 давхар 60 байрны барилгын ажил ирэх жил эхэлнэ. Үүнийг дагаж хоёр сургууль, гурван цэцэрлэг, нэг спорт цогцолбор, 400 автомашины багтаамжтай долоон давхар грааш баригдах аж.