Хятадын Гуанчжоуд “Open Architecture” компани өөрийн зохион зохион бүтээсэн, зөөвөрлөж угсрахад нэн тохиромжтой, үзэсгэлэнгийн танхимын зориулалт бүхий модульяр барилгын системд зориулсан анхны загварыг танилцуулжээ. Бээжин хотноо үйл ажиллагаа явуулдаг уг компани нь тус улсад өрнөөд буй барилгажилтын хэт өсөлтийн явцад үл хөдлөх хөрөнгө захиалагчдын санаачилсан түр байгууламжийг барихад шаардагдах HEX-SYS системийг хөгжүүлж байгаа аж.

     Ихэвчлэн албан тасалгаа болон үзүүлэнгийн өрөөний зориулалтаар ашиглахад тохиромжтой уг барилгыг угсрахад тийм ч урт хугацаа шаардагдахгүй. Энэхүү байгууламжийг урт хугацаагаар барилга, байгууламж шинээр байгуулж болохгүй, тодорхой хугацааны дараа газрыг нь өөр зориулалтаар ашиглах газарт барих нь илүү тохиромжтой гэнэ.

     40 ам метр хэмжээ бүхий энэхүү HEX-SYS систем нь уруу харуулан тавьсан шүхэр мэт дээвэртэй, ган бүтээц бүхий байгууламж юм. Хөнгөнцагаан хавтан, завсартай уг дээвэр нь нарны туяаг шүүж, сүүдэртэй орчныг бий болгох аж. Үүнийг шил болон хөнгөнцагаан хавтангаар чимж, илүү гоёмсог ч болгож болно. Хамгийн гол нь үүний хэмжээ, ашиглах хугацааг хэрэглэгч нь өөрийн хүссэнээр байлгах боломжтой аж.