24 цагийн турш худалдаа наймаа тасралтгүй явагдаж байдаг Өмнөд Солонгосын алдартай дүүрэгт архитектор Заха Хадид 38,000 ам метр цогцолбор барилгын ажлыг гүйцэтгэжээ. Энэхүү цогцолбор нь анивчдаг хөнгөнцагаан фасадтайгаараа онцлог аж.

     Соёл урлаг, дизайн, технологийн дэвшилтэт бүтээгдэхүүн танилцуулах хэсэг, худалдаа үйлчилгээний төв болон баян бүрд бүхий гоёмсог цэцэрлэгт хүрээлэн гээд бүх насныханд зориулсан тав тухтай орчныг бүрдүүлсэн хэсгүүдээс бүрдсэн байна. Түүнчлэн энд үзэсгэлэн, хурлын танхимууд, Дизайны урлагийн музей, номын сан, лаборатори, архив, Хүүхдийн боловсрол сургалт, эрүүл мэндийн төв, семинарын тасалгаанууд, Скай лаунж гээд орчин үеийн том цогцолборт байх ёстой бүхий л үйлчилгээний хэсэг багтсан байна.

     Барилгын гадна хэсэгт өөр хоорондоо ялгаатай хэмжээ бүхий 45,000 хөнгөнцагаан фасад болон тахирлалт оржээ. Энэ нь с дэвшилтэт 3D хэмжээст дижитал барилгын технологийг ашиглан Солонгост барьсан олон нийтийн анхны томоохон байгууламж юм.