Хан-Уул дүүргийн Засаг даргын 2015 оны А/381 дугаар захирамжийн хүрээнд зөвшөөрөлгүй орж гарц тагалсан барилга, байгууламж, хашаа хайсыг буулгаж эхэллээ.

Тодруулбал, өмчилсөн газар нь зөвшөөрөгдсөн хэмжээнээс хэтэрсэн эсэхэд хяналт тавьж, илэрсэн зөрчлийг арилгуулах, зөвшөөрөлгүй барьж сунгасан хашаа хайс, граш, өргөтгөл, барилга байгууламжийг буулгах нэгдсэн арга хэмжээг зохион байгуулж байна. Энэхүү арга хэмжээг Онцгой байдлын хэлтэс, Өмч газрын харилцааны алба болон хороод, хэлтэс, албадууд хамтран арваннэгдүгээр сарын 02-20-ны өдрүүдэд явуулах бөгөөд өнөөдрийн байдлаар ХУД-ийн 9 дүгээр хороо буюу Нисэхийн эцсийн ойр орчмын зөвшөөрөлгүй барилга байгууламж, хашаа хайсыг буулгалаа. "Цаашид шуурхай албаны автомашин зорчих боломжийг хязгаарлан байрлуулсан хашаа, хаалт, барилгыг буулгах ажил дүүргийн хэмжээнд өрнөнө" хэмээн Хан-Уул дүүргийн Онцгой байдлын албанаас мэдээллээ.