Нийслэлийн Мэргэжлийн хяналтын газраас нийслэлийн Байгаль орчин, ногоон хөгжлийн газрын үйл ажиллагаанд шалгалт хийжээ.

Шалгалтаар байгаль орчинд нөлөөлөх байдлын ерөнхий үнэлгээ дүгнэлт нь зарим төслүүдэд дутагдалтай хийгдсэн, 2014 онд НЗД-ын А/479 дугаартай захирамжаар олгогдсон замын зориулалтаар авч ашигласан талбайд нөхөн сэргээлт хийгээгүй. Нөхөн сэргээлт хийсэн тухай холбогдох баримт бичиг дутуу, мөн тус газрын зарим байгаль хамгаалагчид тухайн хариуцаж байгаа нутаг дэвсгэрийн ан амьтан, ургамал, хожуулын тоо ширхэг, хамаарч буй талбай, ой, усны сан газарт зөвшөөрөлгүй барьсан барилга, байшингийн бүртгэл судалгаа хийдэггүй зэрэг зөрчил илэрчээ.

Мөн орчин зүйн дэвтрийг зөвхөн өдрийн тэмдэглэлээр хязгаарлагдаж, зөрчлийг хэрхэн арилгасан талаар бүртгэл хөтөлдөггүй зэрэг зөрчил дутагдал илэрсэн байна. Эдгээрийг арилгах улсын ахлах байцаагчийн албан туршлагыг тус газар хүргүүлээд байгаа аж.