Тэнгэрийн байдлыг харж явах буюу барилгын төмөр унах эрсдэл
Сүүлийн жилүүдэд хөдөлмөрийн аюулгүй байдал хангаж ажиллаагүйгээс барилга дээр гарах ослын тоо сар улирлаар тоологдож нэмэгдсээр байгаа юм. Үүнээс барилга дээрээс төмөр унах осол ихсэх боллоо.
Өчигдөр Сүхбаатар дүүрэг, Чингисийн өргөн чөлөө Төв номын сангийн урд өдрийн 12.00 цагийн орчимд "Мастер инженеринг" компанийн барилгаас төмөр унасан. Улмаар замын хөдөлгөөнд оролцож явсан суудлын автомашин дээр унаж, тоёота "chaser" маркийн автомашины хамрыг хатгаж тогтсон байна. Тус машинд жолооч, 10 орчим насны охины хамтаар явж байсан бөгөөд азаар бэртэж гэмтээгүй. Онцгой байдлын газрын байцаагч дуудлагын дагуу ослын газарт ирж, барилга баригдаж буй талбай руу нэвтэрч, үзлэг хийх гэсэн боловч хамгаалалтын албаныхан барилга руу нэвтрүүлээгүй байна. Хэргийг Сүхбаатар дүүргийн цагдаагийн хэлтэст шалгаж эхэлжээ.
Өмнө нь 2014 онд "Монголын цахилгаан холбоо” компанийн байр буюу олны нэрлэж заншсанаар Төв шуудангийн замын урд талд баригдаж буй барилгаас төмөр нурж, зам дээр зорчиж явсан автобус болон жижиг тэрэг дээр унаж, том оврын автобусны дээрээс зоогдож байсан. Тухайн автобус нь "Хера Холдинг" компанийн ажилчдын автобус байсан бөгөөд автобусанд хүмүүс сууж явсан ч ослын улмаас азаар хүн бэртэж, гэмтээгүй гэнэ. Ослын газарт ажиллаж байсан замын цагдаагийн ажилтнууд Шуурхай бүлэг 105-ын алба хаагчид болон цагдаагийн ажилтнууд ирэх хүртэл төмрийг хөдөлгөхгүй байхыг сануулсан ч барилгын ажилчид бөөнөөрөө дайран ирж, хүчээр төмрийг авч зугтаж байсан удаатай.
Түүнчлэн 2013 онд "Эко констракшн" бариулж байгаа Тэнгис кино театрын өмнөх барилга дээрээс мөн ижил турба унаж, Ланд маркын автомашин дээрээс унан хүн бэртэж байсан юм. Энэ мэтчилэн барилга дээрээс төмөр унсан жишээ маш олныг хэлж болохоор байна.
Энэ төрлийн барилгын аюулгүй ажиллагаа хангаагүй осол аваарууд ар араасаа түрэн гарсаар байна. Салбарын яам, сайд, холбогдох албан байгууллагууд энэ чиглэлээр ямар арга хэмжээ авч ажиллаж байна вэ?
Иргэд халтиргаа гулгаа энэ тэр зүйлээс шалтгаалан доорх замаа харж явдаг байсан бол одоо тэнгэрийн байдлыг харж явах шаардлагатай болохнээ.
Энэ талаарх зарим нэг жиргээг сонирхуулъя.
#Ягодоо Хүүхдийн ордны хойно барьж бга барилга дээрээс төмөр унаж машины хамарт зоогдло.
Барилга дээрээс машин руу төмөр шидэхдээ сайн компаниуд бн. Эко нтр бол байгаа ёстой яг онодог шүү ! :P
Үтү дурын хvн @Chuka_Canary
@Batsugar1 Жад шидэлтийн тэмцээнд амжилт гаргах боломжтой мэт
@Batsugar1 юун шууд хүнийг нь ононо. Дээрэс доошо найдвартай шиднэ
@Batsugar1 -оросын пуужин шиг байна уу
онцгой байдалын байцаагч энэ тэр амьгүй албат юм уу төмөр унасан барилга руу орж чадахгүй # security guards