Сантехник, цахилгаан болон дотор заслын үйлдвэрлэлээрээ Европт нэр хүндтэй Италийн “Giacomini” компанийн шалны халаалт ба хөргөлтийн радиант системээ танилцуулах арга хэмжээ болж өндөрлөлөө. Бүтээгдэхүүн, үйлчилгээгээ “Termigas Impianti Tecnologici” компаниар дамжуулан борлуулж, манай хэрэглэгчдийн танил болсоор өдгөө 10 дахь жилтэйгээ золгож буй тус компани нь энэ удаа өрөө тасалгаа хооронд агаарын хүчтэй солилцоо үүсгэхгүйгээр тогтмол хэмийг хадгалж, тав тухтай орчныг бүрдүүлдэг, эрчим хүчний хэмнэлттэй, радиант хавтан бүхий халаалтын системийг Монголын зах зээлд шинээр нэвтрүүлж, хэрэглэгчдийн гарт хүргэж байгаа аж.

     Орчин үеийн халаалт ба хөргөлтийн шинэ технологийн тусламжтайгаар радиант системийг зуны цагт хөргөлт, хүйтний улиралд халаалтын зориулалтаар ашиглах боломжтой юм. Энэ нь хүний биед сөрөг нөлөөгүй, дуу чимээ багатай, зардал хэмнэх гээд олон талын ач холбогдолтой. Уг системд ашиглагдах усны хэвийн хэм нь бага учраас радиант системийг дулааны насостой хамт ашиглах нь зохистой аж. Энэ нь зардал багатай, агаарын болон усны дулааныг ашиглаж эрчим хүч, шатахууны зардлыг багасгах сайн талтай гэнэ.

     Түүнчлэн зуны цагт тасалгааг хөргөхөд, дулааныг доод хонгилын, зоорийн давхаруудад тараадгаас гадна нарны туяанаас хуримтлуулсан дулааныг дулаан ялгаруулахад ашиглах боломжтой аж. Ийм тохиолдолд радиант системийг эхэнд нь суулгасан байх ёстой юм байна.

     Энэхүү системийг ашиглаж буй орон сууны барилгын хувьд төвийн генераторыг зуны улиралд хөргөлт, өвлийн улиралд бойлерийг халаалтын зориулалтаар ашиглах боломжтой аж.

“Giacomini” компанийн Ази номхон далайн бүс нутгийг хариуцсан захирал Роберто Ферраро:



2005 оны 12-р сард Монголын зах зээлд бүтээгдэхүүнээ нийлүүлж эхэлсэн. Энэ жил яг 10 жилийн ой тохиож байна. Бид анх “АПУ” компанитай хамтарч ажиллаж, “NTV” телевизийн TV Center-т шалны халаалтын систем суурилуулснаас хойш маш олон компанийн төслүүд дээр ажиллаж, бүтээгдэхүүнээ нийлүүлсэн. Тэр үед Бээжин дэх салбар компанийн ажилтнууд Монголд ирж ажил гүйцэтгэдэг байсан бол 2010 оноос албан ёсоор байнгын ажилтнуудтай болсон.

Анх Европын хэрэглэгчдэд зориулан бүтээгдэхүүнээ үйлдвэрлэж эхэлсэн, одоо ч энэ бүс манай хамгийн том зах зээл хэвээр байгаа. Харин өнөөдөр бид дэлхийн маш олон оронд бүтээгдэхүүнээ нийлүүлж, үйл ажиллагаа маань Ази номхон далайн бүст өргөжин тэлсээр байна. дэлхийн өнцөг булан бүрт, ямар ч улсад бид бүтээгдэхүүнээ хүргэх, үйлдвэрлэх хүчин чадалтай боллоо.

Энэ бүтээгдэхүүний гол давуу тал бол тав тух. Дараагийн чухал зүйл бол хэмнэлт. Эрчим хүчний хэмнэлттэй учраас зардал, агаарын бохирдол, хүрээлэн буй орчинд үзүүлэх хор нөлөө зэргийг эрс бууруулж байгаа нь бүтээгдэхүүний онцлог юм.