Японд дахин модон барилга барьж эхлэх зорилгоор арав гаруй жил судалгаа хийсний дүнд Токио хотод анх удаа олон давхар модон барилга барих эхлэлийг тавьжээ. Зуун хувь модоор барьсан гурван давхар бүхий Мияамура Ветеринари эмнэлгийн барилгыг Тошихико Сузуки болон Такао Нишизава нар хамтран гүйцэтгэсэн байна. Ингэхдээ архитекторууд Японы уламжлалт модон барилгын технологийг ламинатан өнгөлгөөтэй мод, гал түймрийг бүтэн цаг тэсвэрлэх боломжтой сүүлийн үеийн материалуудыг хослуулан ашиглажээ. Харин Токио хотын журамд зааснаар галд тэсвэрлэх доод хугацаа нь 45 минут байдаг аж.