Үйл ажиллагаагаа оновчтой төлөвлөж хэрэгжүүлэх, цаашид ажлын байрны шаардлагад нийцүүлэн мэдлэг чадвараа дээшлүүлэх, байгууллагын үйл ажиллагааны ил тод байдлыг хангаж, хүний нөөцийн чадавхыг бэхжүүлэх зорилтуудыг хангах үүрэг хариуцлагыг тодорхойлох зорилгоор Барилга, хот байгуулалтын яамныхан өчигдөр үр дүнгийн гэрээ байгууллаа. Төрийн албаны зөвлөлийн 2012 оны 134 дүгээр тогтоолоор батлагдсан журмын дагуу ийнхүү тус гэрээг байгуулж байгаа юм. Гэрээг байгуулснаар төсвийг ерөнхийлөн захирагч нь төсвийн шууд захирагчтай, шууд захирагч нь төсвийн менежерүүдтэй, менежерүүд нь ажилтнуудтайгаа үр дүнгийн гэрээг тус тус байгуулан ажиллах ажээ.

     Ийнхүү БХБЯ-ны ажилтан албан хаагчид Төрийн дууллаа эгшиглүүлэн үр дүнгийн гэрээгээ байгуулсны дараа салбарын сайд З.Баянсэлэнгэ тэдэнд ажлын амжилт хүсэж, төрийн албан хаагчийн ёс зүйг сахиж, сонирхлын зөрчилгүй ажиллахыг уриаллаа.