Эдийн засгийн хүндрэлтэй нөхцөл байдлаас үүдээд засгийн газраас яамдын дэд сайд нарын албан тушаалыг цомхотгох асуудплыг нэг мөр шийдвэрлэсэн. Монгол Улсын хүлээж буй төсвийн орлогын гүйцэтгэл нэг их наяд төгрөгөөр тасрах төлөвтэй байгаагаас төсөвт тодотгол хийсэн юм. Тиймээс дэд сайд нарын албан тушаалыг цомхотгох асуудлыг тусгаж, УИХ-аар хэлэлцэн баталсан билээ. Төсвийн тодотгол батлагдсан өдрөөсөө хэрэгжих ёстой учир Засгийн газрын хуралдаанаар дэд сайд нарыг албан ажлаас нь чөлөөлсний дагуу Барилга хот байгуулалтын сайд З.Баянсэлэнгэ болон яамны бусад ажилтан, албан хаагчид дэд сайд асан Г.Байгалмааг үдлээ.

     Тус яам нь хоёр эмэгтэй сайд нэгэн зэрэг ажилласан цорын ганц яам гэдгээрээ онцлогтой. Тэдэнд намын харъяалал нөлөөлсөнгүй, харин ч хамтран ажиллахад гар нийлж, урамтай байсан талаар эмэгтэй сайд нар онцолж байлаа.