Японы эрдэмтэд ган мэт бат бөх шил үйлдвэрлэх технологийг нээсэн байна. Шилийг үйрүүлэхээс хамгаалсан, түүнийг эсэргүүцэгч материалыг гарган авахын тулд удаан хугацааны туршид судалгаа хийн, туршилт явуулсны дүнд тун удахгүй бат бөх шил үйлдвэрлэх боломжтой болжээ. Удаан эдэлгээтэй, бат бэх шил үйлдвэрлэхэд ашиглагддаг бодис нь хөнгөнцагааны исэл байсан. Харин үүнийг цахиурын давхар исэлтэй хольсноор үр дүнд нь илүү бат бэх цонхны шил үйлдвэрлэх технологийг нээж байгаа аж.

     Өмнө нь хөнгөнцагаан ашиглаад амжилт олж чадахгүй байсан эрдэмтэд энэ удаад савны ханад ямар нэг зүйл хүргэмэгц талстжиж, бэхжих төлөвтэй болдог байна. Судлаачид синтезжүүлэх ил хэсэгт химийн найрлага оруулахын оронд тод хэрчлээснүүдийг ашиглан хагаршгүй тунгалаг шил бүтээх боломжийг нээлээ.



     Хүчтэй цохилт, салхийг ч тэсвэрлэх чадвартай бат бэх шил хэрэглэх нь машины урд шилийг дээд зэргийн аюулгүй, бат найдвартай болгохоос авахуулаад цахилгаан төхөөрөмжүүдийн дэлгэцийг удаан эдэлгээтэй болгох давуу талтай. Тиймээс энэ нээлт нь ирээдүйд маш том өөрчлөлтийг авчирна гэж эрдэмтэд үзэж байна.

     Токиогийн их сургуулийн туслах профессор, тус судалгааны ажлыг хамтран хийж буй Ацүнобу Масуно, “Бид ойрын таван жилийн хугацаанд их хэмжээгээр үйлдвэрлэх боломжийг эрэлхийлж байна. Тэр хүртэл бид үнэтэй, хэврэг гар утаснуудыг ч сайжруулах тал дээр анхаарах болно” хэмээн мэдэгдсэн юм.