Дэлхийн улс орнууд хөгжлийн түвшнээ гэрэлтүүлгээр тодорхойлж, лед гэрлээр гангарах болсон. Харин манайд цахилгаан зарцуулалт өндөр үнэтэй, өнгө үзэмж муутай уламжлалт гэрэлтүүлэгийг айл өрхөөсөө авахуулаад хот суурингийн аль нь ч хэрэглэж байна. Учир нь гэрэлтүүлгийн нэгдсэн стандарт өнөөг хүртэл байхгүй. Үе үеийн хотын дарга нар гэрэлтүүлгийг сайжируулах гэж хичээсэн ч өнгө үзэмж, гэрэлтүүлэх чадал, тусгал зэргийг нэгтгэсэн өөрийн орны стандартгүй учраас хэчнээн хөрөнгө зараад нэмэргүй. Хий дэмий л хэдэн компанийг хөлжүүлээд дуусдгийг бид мэднэ. Ийм учраас нийслэлийн бараг гудамж бүрийн гэрэлтүүлгийн шон жигд биш, гэрлийн шил нь хоцрогдсон, гэрэлтүүлэг нь чанар, аюулгүй байдлын шаардлага хангахгүй байна. Стандартгүй болохоор гэрэлтүүлгийн компаниудыг Мэргэжлийн хяналтын байгууллага шалгаж, хяналт тавих боломжгүй. Улаанбаатар хотын экс мээр Г.Мөнхбаяр нийслэлийн гэрэлтүүлэгт лед гэрэл ашиглах санаачлага гаргаж, зам тавьсан компани бүрт ийм шаардлага хүргүүлж байсан. Энэ нь үр дүнтэй чухал ажил байсныг энд онцлох нь зүйтэй болов уу.
 

 
LED гэдэг нь Light Emitted Diode гэсэн үгийн товчлол юм. Энэ нь Монголоор гэрэл цацруулагч диод гэсэн утгатай. Сүүлийн жилүүдэд хүн төрөлхтөн байгаль орчноо хамгаалах шилдэг технологийг уйгагүй эрэл хайгуул, судалгаа шинжилгээний үр дүнд нэвтрүүлсний нэг гайхалтай ололт нь Лед гэрэл. Энэ нь загварын өргөн сонголттой, хүчин чадал өндөр, цахилгааны зарцуулалт бага, хэмнэлттэй үнэ, энгийн ламп шиг шатаж хагарахгүй зэргээс шалтгаалан өнөөдөр дэлхийн зах зээлийг байлдан дагуулж байна.


Дээр дурдсанчлан цахилгаан зарцуулалт хэд дахин бага учраас орон гэртээ болоод гадаах тохижилтонд ашиглахад үр дүнтэй юм. Тухайлбал, гаднах замын гэрэлтүүлэг 50,000 цаг ажиллах бөгөөд энгийн лампаас 20 дахин, уламжлалт энгийн буюу одоо хэрэглэж байгаа Halogen гэрлээс 125 дахин удаан хугацаанд эдлэгээ даах чанартай нь тогтоогдсон.
 

 
          Яагаад Лед гэрэл “Ногоон” гэж.

Лед гэрэл улайсах гэрэл, сүүн гэрлийг бодвол туяа цацруулдаггүй. Бага ваттад асдаг тул сэргээгдэх эрчим хүчинд тооцогддог. Тиймээс хүний биед болоод байгаль орчинд ямар нэгэн хор нөлөө байхгүй. Учир нь лед гэрлийг боловсруулалт хийсэн байгалийн чулуугаар хийж цахилгаанд холбодог хэмээн энгийнээр тайлбарлаж болно.
Сүүлийн үед техник технологи улам боловсронгуй болж, хүний биеийн дулаан болон хөдөлгөөнөөр асч, унтардаг болсон. Мөн ваттыг нь бууруулдаг ч гэрэл бий. Жишээ нь хүн ирэх үед ватт нь нэмэгдэж явах үед нь багасч бүдгэрдэг байна. 100,000 цаг огт унтраахгүйгээр ашиглахад 11 жил асдаг. Натрийн гэрлээс 10 дахин удаан ашигладаг гэсэн үг юм. Эрчим хүчээ өөрөө үйлдвэрлэх тул зардал бараг гардаггүй. Ялангуяа хот тохижилтонд сэргээгдэх эрчим хүч ашиглаж, LED гэрлээр гэрэлтүүлвэл улс орны эдийн засагт маш ашигтай юм.
 
"Бүтээн байгуулагчдаа дэмжье" уриатай "Барилга.МН" сэтгүүл нь үндэсний үйлдвэрлэлээ дэмжиж, тэдний нэвтрүүлж буй дэвшилтэт технологи, шинэ бараа баүтээгдэхүүнийг олон нийтэд сурталчлах, дэмжих мэдээ, нийтлэлийг тогтмол гаргадаг. Үүний хүрээнд Монгол дахь Лед гэрэл үйлдвэрлэгч, нийлүүлэгч байгууллагуудын хаяг, утасны дугаарын хамт тэмдэглэн үлдээлээ.

“Эрдэнэт Лед” ХХК  
Холбогдох утас: 99356625, 99351370,
Цахим шуудан: ErdenetLed.mn
Хаяг: Орхон аймаг, Баян өндөр сум, Уртын гол баг 13-2 тоот
 
“TД ЛЕД” ХХК
Холбогдох утас: 70358064
Цахим шуудан:
Хаяг: Орхон аймаг, Баян өндөр сум, Говил баг

“NVC MONGOLIA” LLC
Холбогдох утас: 91998229 91993329
Цахим шуудан: FB - nvc mongolia
Хаяг: БЗД 6 хороо, Нарны зам, NVC Lighting center