Холливудын нэрт жүжигчин Брэд Питтийн “Make It Right” ашгийн бус байгууллага нь архитектурын 5 компанитай хамтран Индианчуудын амьдардаг бүс нутагт эрчим хүчний хэмнэлттэй, авсаархан амины орон сууцнууд барих томоохон төслийг эхлүүлээд байна. Индианчуудад зориулсан энэхүү төсөл нь эрчим хүчний хэмнэлтийн одтой, хүрээлэн буй орчинд ээлтэй технологийг нэвтрүүлж, дэвшилтэт шинэ бүтээгдэхүүн ашигласан амины орон сууцны анхны томоохон бүтээн байгуулалт болох юм.

     “Make It Right” байгууллагынхан “Sioux”, “Assiniboine tribes of Forth Peck”, “Montana” компанитай хамтран 6,000 гаруй хүн амьдардаг, олон мянган акр газарт мастер төлөвлөгөөг санаачлан боловсруулж, эрчим хүчний хэмнэлт бүхий сууцыг олноор нь барих гэж байна. Хоёрхон өрөө байранд багталцаж ядан амьдардаг гэр бүл олон байгаа энэ нутагт эхний ээлжинд 600 орчим хүнд орон сууц нэн шаардлагатай байгаа аж.

     “Graft”, “Sustainable Native Communities Collaborative”, “Architecture for Humanity”, “Method Homes”, “Living Homes” компанийн архитектор, дизайнерууд хамтран оршин суугчдынх нь ихэнх нь дунджаас 60 хувиар бага орлоготой бүлгийнхэнд зориулан гэр бүлийн гишүүн бүрт нь хүрэлцэхүйц талбайн зохион байгуулалттай, нарны болон газрын дулааны эрчим хүчний шийдлийг тусгасан таван төрлийн амины орон сууцны загварыг санаачилжээ. Эдгээр нь бүс нутгийн иргэдийн соёл, ёс заншил, хүрээлэн буй орчны онцлог, түүхэн уламжлал зэргийг тусгаж буйгаараа онцлогтой юм.