Шөнийн цагаар болон гэрлийн тусгал багатай нөхцөлд нарны эрчим хүчийг их хэмжээгээр гарган авах боломжтой шинэ технологийг эрдэмтэд нээжээ. Германы архитектор Андре Броессэл болон түүний “Rawlemon” компанийн шинийг санаачлагч багийнхан хамтран “The beta.ray” гэх энэхүү цахилгаан үүсгүүрийг зохион бүтээжээ.

     Уг технологи нь харьцангуй бага зайнд уламжлалт нарны элементтэй хавтангийн хүчин чадлыг хоёр дахин ихэсгэх боломжтой бичил хос тэнхлэг тусгаарлагч системийг бөмбөлөг хэлбэр бүхий биеттэй холбосон аж. Өвөрмөц загвар хийцтэй энэхүү үүсгүүр нь бүтэн эргэлддэг төдийгүй далий гадаргуу, барилгын хана гээд ямар ч байршилд хаашаа ч чиглүүлэн ашиглах боломжтой юм. Мөн үүгээр цахилгаан автомашиныг ч цэнэглэх боломжтой.

     “Beta.ray” нь өдөр тутмын хэрэглээний цахилгаан, дулааны эрчим хүчийг нэгэн зэрэг холимог гүйдэл болгох хүлээн авагчийн хамт бүтээгдсэн. Баяжуулагч төхөөрөмжид чиглэсэн хэт дамжуулагч Бөмбөлгөн линзийг ашигласнаар дамжуулах цахилгааны гаралтаар силикон хэсгийг 25 хувь хүртэлх түвшинд бууруулж, холимог горимыг 57 орчим хувийн хэмнэлттэй болгох боломжтой юм. Хэд хэдэн Лед гэрлийг ашиглан Бөмбөлгөн линз нь шөнийн цагаар өгөгдсөн байршлыг гэрэлтүүлэх өндөр хүчин чадал бүхий чийдэнг хувьсгах хүчин чадалтай. Энэхүү төхөөрөмжийг барилгын цахилгаан болон дулааны сүлжээг хангах зориулалтаар бүтээжээ.





“Beta.ray 1.00” ба “Beta.ray 1.80” төхөөрөмжийн үзүүлэлт

     “Rawlemon” компанийн бүх бүтээгдэхүүний нэгэн адил “Beta.ray 1.00” ба “Beta.ray 1.80” төхөөрөмж нь эдийн засгийн хэмнэлттэй, байгаль цаг уурын нөлөөлөлд автах магадлал багатай, хүрээлэн буй орчинд төгс зохицон ажиллах бичил хос тэнхлэг тусгаарлагчаар тоноглогдсон.

    Эдгээр 2 төрлийн төхөөрөмжийг зөөвөрлөх, тээвэрлэх болон суурилуулахад маш хялбар. Үүнийг өгөгдсөн байршлынхаа сүлжээнд холбож, тог хураагчийн ард талын аюулгүйн хавтанг тогтоох хэрэгтэй.



Ашиглалт: Төвийн шугам сүлжээнд холбогдоогүй  байгууламж / Барилга / Цахилгаан төхөөрөмж