Барилгын салбарын ажилтан, албан хаагчдад барилга байгууламжийн зураг төсөлд магадлал хийх ажлыг зохион байгуулах, норм, норматив баримт бичгийн тогтолцоо ба шинэчлэл, техникийн зохицуулалт, нийтийн аж ахуйн салбарын тогтолцоо, барилга угсралтын ажлын явцад хяналт тавихад оролцогч төрийн болон төрийн бус байгууллагуудын төлөөлөлд ОХУ-ын барилгын салбарын төлөөлөл илтгэл тавьж, танилцуулах “ОХУ-ын Барилгын салбарын эрхзүйн баримт бичгийн хөгжлийн цаашдын чиг хандлага” сургалт, семинар болж өндөрлөлөө. Тус арга хэмжээнд ОХУ-ын барилга байгууламжийн ажлын явцад хяналт тавих тогтолцоо, зураг төсөлд магадлал хийх, магадлал хийх ажлыг зохион байгуулах тогтолцоо, салбарын норм, нормативын баримт бичгийн тогтолцоо ба шинэчлэл, техникийн зохицуулалт, нийтийн аж ахуйн салбарын тогтолцоо зэргийг танилцуулсан юм.

     Барилга хот байгуулалтын яам, Барилгын Хөгжлийн Төв, ОХУ-ын Норматив техникийн баримт бичгийн төвөөс хамтран зохион байгуулсан уг арга хэмжээнд салбарын мэргэжилтэн, албан хаагчид гээд 100 гаруй хүн ороолцож, Ленинград мужийн Улсын зураг төслийн магадлал болон барилгын хяналтын албаны Барилга байгууламжийн ажил эхлүүлэх, үргэлжлүүлэх, ашиглалтанд оруулах хяналтын хорооны хэсгийн хэлтсийн дарга Чеготова Елена Викторовна холбогдох сэдвээр илтгэл тавьж, оролцогчидтой ярилцан, тэдний асуултад хариулж, санал хүсэлтийг хүлээн авсан юм.