Иракийн барилгачид дэлхийд хамгийн өндөр “The Bride” нэртэй цамхгийн төслийг гүйцэтгэхээр болжээ. Барилгыг тус улсын хамгийн том боомт хотын бизнес дүүрэг Басра дахь Гульфийн гүүрний хажууд барих аж. Цамхаг нь хотын эдийн засгийг дэмжих гол хөшүүрэг болно гэж мэргэжилтнүүд үзсэн байна. 1,152 метр өндөртэй “The Bride” цамхаг одоогийн дэлхийн хамгийн өндөр барилгад тооцоогдоод буй Дубайн Бурж Халифаас ч өндөр болох гэнэ. “The Bride” нь өөр хоорондоо ялгаатай өндөртэй дөрвөн барилгаас бүрдэх цогцолбор аж.

     Төв цамхаг нь доод хэсэгтээ олон нийтийн зориулалттай, сүүдэрлэгчтэй халхавч буюу шилэн лавринтай. Зуны улиралд өдрийн цагаар 50 хэм хүртэл халдаг энэ бүст нарнаас хамгаалах сүүдрэвч маш чухал. Нарны эрчим хүчний үүсгүүрийн тусламжтайгаар тус цамхаг нь хэрэглээнийхээ цахилгааныг хангана. “The Bride” нь оффис, зочид буудал, орон сууц, худалдаа үйлчилгээ, цэцэрлэгт хүрээлэнг багтаасан 472,716 ам метр талбайтай байх юм.