БНСУ-ын хөнгөлттэй зээлээр 10 аймагт дулааны станц барихаар хэлэлцэж байна. Өмнөд Солонгосын Засгийн газраас манай улсад 130 сая ам.долларын хөнгөлөлттэй зээл олгож байгаа. Энэ зээлийн хөрөнгөөр дээрх төслийг санхүүжүүлэхээр хэлэлцэв. Ингэснээр Говь-Алтай, Завхан, Баянхонгор зэрэг аймагт бие даасан станц барьж, үйл ажиллагааг нь өргөжүүлнэ.

Мөн Өмнөд Солонгосын компаниуд манай хий, сэргээдэх эрчим хүчний салбарт төсөл хэрэгжүүлж буй. БНСУ-ын “Korea gas safety” компани манай хийн салбарын стандарт боловсруулж байна. Тус улс нь манай улсын худалдааны дөрөв дэх том түнш бөгөөд өнгөрсөн онд хоёр улсын худалдааны эргэлт 500 сая ам.долларт хүрчээ.

Дашрамд дурдахад, хоёр улсын дипломат харилцаа тогтоосны 25 жилийн ойг тохиолдуулан БНСУ-ын Ерөнхий сайд Хван Гё Ан манай улсад энэ сард айлчилна.