Роботыг тоосго өрөхөд ашиглах боломжтой боллоо. Австралийн Перт хотын инженерүүд өрөгч мэргэжлийн нэг хүнээс 20 дахин хурдтай ажиллаж, хоёрхон хоногийн дотор байшин барих хүчин чадалтай тоосго өрөгч роботыг зохион бүтээжээ. Хадриан хэмээх нэртэй уг роботын дээд хурд нь цагт 1,000 тоосго өрөх бөгөөд ингэснээр жилд амины 150 орон сууц барих боломжтой аж. Мэдээж барилгын ажилчид шиг амрах, хооллох, завсарлах шаардлага робот машинд байхгүй учир түүнийг тасралтгүй ажиллуулах боломжтой.

     Энэхүү роботын голд хэсэг хэсгээс бүрдсэн эвхэгддэг дуран авай бий. Үүнийг нэгээс нөгөө хэсэг рүү зөөвөрлөхөд хялбар болгохын тулд уг роботыг ачааны машинд суурилуулах аж. Санхүүжилтийн асуудлаа шийдчихвэл “Fastbrick Robotics” компанийнхан тоосго өрөгч роботыг ирэх онд олноор нь үйлдвэрлэж, худалдаанд гаргах юм байна.