“Кореа Стандарт” ХХК-ны санаачилгаар БНСУ-ын КICT буюу Солонгосын барилгын материалын технологийн хүрээлэн, Полиуретан хөөс үйлдвэрлэгч Envitech компани хамтран “Полиуретан дулаалгын технологийг Монголд нутагшуулах нь” сэдэвт сургалт семинарыг өнгөрөгч 11 дүгээр сарын 19-ны өдөр Улаанбаатар хотноо зохион байгууллаа. Уг семинарт урилгаар Нийслэлийн мэргэжлийн хяналтын газрын Барилгын техникийн хэлтэсийн албан хаагчид оролцсон байна.
 

Тус уулзалтаар Монголын барилгын салбарт тулгамдаж буй хамгийн гол асуудал болох орон сууц, нийтийн аж ахуйн барилгын дулаан алдагдлыг хэрхэн яаж бууруулах талаар нээлттэй хэлэлцүүлэг хийгдэж энэ сэдвийн хүрээнд Полиуретан хөөсөн дулаалгын технолгиор барилга байгууламжийг хэрхэн яаж дулаалах талаар материал үйлдвэрлэгч БНСУ-ын Envitech компани болон Монголд дахь анхны полиуретан хөөс шүршигч “Кореа Стандарт” ХХК-ны хамтарсан илтгэлүүд тавигдсан байна.