Дэлхийд алдартай архитектурын “SOM” компани цэнэглэх боломжтой нарны эрчим хүчний дэлгэц хавтан бүхий 3D байшинг зохион бүтээжээ. Энэхүү байшинг автомашинаар цэнэглэх боломжтой нь ихээхэн анхаарал татаад байгаа юм. Эрчим хүчний ихээхэн хэмнэлт авчрах уг байгууламжийг “AMIE” гэх бөгөөд үүнийг цахилгааны шугам сүлжээнд холбогдоогүй газруудад ашиглахад нэн тохиромжтой. Энэ нь С хэлбэрийн хэд хэдэн хэсгээс бүрддэг ба 3D барилгад зориулсан болон барилга, цахилгаан хөдөлгүүртэй автомашин хоёр харилцан нэг нэгнээ хоногийн 24 цаг, 7 хоногийн 7 хоногт цэнэглэж болох эрчим хүчний хоёр чиглэлийн урсгалтай юм.

     Судалгаа, үйлдвэрлэлийн багийнхан засгийн газартай хамтран уг дэвшилтэт технологийг санаачлан хэрэгжүүлжээ. Боловсруулах үйлдвэрийн нэгдсэн эрчим хүчний байгууллага гэх албан ёсны нэртэй уг багийнхан үүнийг ердөө ганцхан жилийн дотор санаачлан хэрэгжүүлсэн бөгөөд уг 3D хэвлэмэл технологийг “Skidmore, Owings & Merrill” (SOM) компанийн дэлхийд алдартай архитектор, инженер, төлөвлөгчид зохион бүтээсэн юм.

     Шинжлэх ухааны мэдлэг, өндөр үр дүнтэй архитектур дизайны шийдэл бүхий бүтэц, тусгаарлалт, агааржуулалттай энэхүү AMIE барилга нь чийг хязгаарлагч, гадна өнгөлгөө зэргийг нэгтгэн олон үйлдлийг нэг цогц болгосон ханатай аж. Энэ нь барилгын хаягдал гаргахгүй, материалын хэрэглээг бууруулах сайн талтай.

     Хэвлэсний дараа AMIE барилгын материалыг аливаа доргилт чичрэлтээс хамгаалахын тулд ган хөндлөвч хийж өгчээ. Энэ нь барилгыг бат бөх, чанартай болоход чухал үүрэгтэй. AMIE нь байшин гэхээсээ илүү онгорхой граж мэт харагдана.