Хонгконгийн үл хөдлөх хөрөнгийн хэт өндөр үнэ унаж буй бол Шенженийн үл хөдлөхийн үнэ технологийн хурдацтай хөгжлийн ачаар өсч эхлэв.

Шенженийн орон сууцны үнэ сүүлийн нэг жилд 30 гаруй хувиар өсч, Хятадын үл хөдлөхийн хамгийн хурдтай өсч буй голллох зах зээл болоод байна. Харин Хонконгийн тансаг зэрэглэлийн орон сууцны үнэ сүүлийн 3 сар 5 хувиар бууржээ. Энэ хоёр зах зээлийн салаа зам Хятадын эдийн засгийн аварга цар хүрээг тод томруун харуулж байгаа юм.

Хятадын эдийн засаг бүхэлдээ сул байгаа ч интернэт, технологийн компаниудын тэлэлт нь амбийцтай шинэ мэргэжилтнүүд татаж буйн ачаар Шенжень асар хурдтай өсч хөгжсөөр. Тус хотын шинээр гарч буй технологийн аж үйлдвэрийн зүрх болсон Наншан дүүргийн нэг хүнд ногдох ДНБ-ийн үйлдвэрлэл жилд 48 мянган ам.доллар хүрсэн нь Хятадад толгой цохиж, Сингапурын араас нэхэх болов. Шенженийн дундаас дээш түвшний амьдралтай иргэдийн оршин суудаг Лоху дүүрэгт л гэхэд хоёр унтлагын өрөөтэй, 53 ам метр талбай бүхий жирийн орон сууцны үнэ 400 мянган ам.доллараас давжээ.

Тэгвэл бат бэх суурьтай Хонконгийн эдийн засгийн өсөлт Хятадын сулралаас гадна Ерөнхийлөгч Ши Жиньпиний авлигын эсрэг компанит ажлын улмаас ийн саарч, тансаг зэрэглэлийн үйлдвэрлэл сайнгүй байна.

Харин Бээжин, Гуанжоу, Шанхай, Шэньжень зэрэг нэгдүгээр зэргийн хотуудын орон сууцны үнэ харьцангуй тогтвортой байна. “Хятадын эдийн засгийн хурдтай өсөлт 10 жилийн турш тогтвортой байсан юанийн бодлогын бага хүүний үр ашгийг Хонконг хангалттай хүртсэн” хэмээн Barslays-ийн үл хөдлөхийн шинжээч Дол Луй тайлбарласан юм. Гэхдээ энэ ашигтай цикл Хятадын эдийн засгийн өсөлтийн сулрал болон Хонконгийн мөнгөн тэмдэгтийг ам.доллартай хүчээр барьж буй Холбооны нөөцийн мөнгөн тэмдэгтээ танах бодлогын улмаас зээлийн өртөг нэмэгдэж, илүү харгис нөхцөл байдалд орж магадгүй хэмээн Нью-Йорк таймс сонинд нийтэлжээ.