Одоогоор дэлхийн хамгийн өндөр барилгад тооцогдоод буй алдарт “Бурж Халиф”-аас нэг км орчмоор өндөр нэгэн цамхаг Арабын хойгт баригдахаар болжээ. Саудын Арабын ойролцоо сүндэрлэх “Jeddah” гэх уг цамхгийн санхүүжилт 1,23 тэрбум ам.доллар аж. Одоогоор барилгын ажил нь эхэлж, 2020 онд ашиглалтад оруулах энэ төслийг “Adrian Smith + Gordon Gill” барилга архитектурын компани гүйцэтгэх юм байна.

     Жиддах эдийн засгийн хот төслийн хүрээнд “Jeddah” эдийн засгийн компанийн хэрэгжүүлж буй тэнгэр баганадсан цамхгийн өндөр нь 1,007 метр бөгөөд энэ нь 200 давхар “Empire State” барилгаас хоёр дахин өндөр юм. Албан ёсоор Эзэнт гүрэн гэгдэж буй Jeddah цамхагаас Улаан тэнгисийг харах боломжтой төдийгүй, энд Дөрвөн улирал зочид буудал, оффис, орон сууцны хэсэг байрлах аж. Түүнчлэн барилгын 157 дахь давхарт дэлхийн хамгийн өндөр хяналтын тавцанг байгуулах юм байна.

     Одоогоор 26 дахь давхраа дуусгаад буй уг барилгыг цаашид үргэлжлүүлэхэд 80,000 тонн ган, далайн усаар бэхжүүлсэн 5,7 сая куб тохой бетон шаардлагатай аж. Цөлийн ургамал болох нэгэн навчны нугалсан хэлбэрийг дуурайлгасан барилгын давхрууд хэд хэдээрээ хэсэгчлэн өөрчлөгдөж болдог, энэ нь хүчтэй салхины урсгалыг зөөлрүүлдэг гэнэ. Энд нийт 59 цахилгаан шат иргэдэд үйлчлэх бөгөөд хяналтын лифтний хурд нь секундэд 10 м байна.