Энэ сараас эхлэн Нэмэгдсэн өртгийн албан татварын цаасан падаан ашиглах шаардлагагүй болсон талаар Татварын Ерөнхий Газраас мэдээлэл хийлээ.
 
Үүний оронд татварын албан ёсны төлбөрийн баримт хэвлэх цахим хуудасны туршилтын хувилбарыг өнөөдрөөс эхлэн энэ оныг дуустал нээн ажиллуулахаар болжээ.
 
Ингэснээр татвар суутган төлөгч аж ахуйн нэгж, иргэд ebarimt.mn цахим хуудсанд нэвтэрч татвар төлөгчийн дугаараар бүртгүүлэн цахим төлбөрийн баримтын систем рүү нэвтрэх боломжтой юм байна. Улсын хэмжээнд 27000 НӨАТ төлөгч ААН, 11000 кассын машин ажиллаж байгаа бөгөөд өнөөдрийн байдлаар 39 аж ахуйн нэгжийн 171 кассын машин татварын шинэ системд нэгдээд байгаа юм байна.